Бишкекте 20дан ашык жер алдындагы өтмөк курулат
Бишкек шаарында 20дан ашык жер алдындагы өтмөк куруларын шаар мэри Айбек Джунушалиев "Кабар" агенттигине берген маегинде билдирди.
Мэрдин айтымында, Чыңгыз Айтматов проспектисинде жер алдындагы өтмөктөрдү куруу долбоору мэрия үчүн эксперименталдык мүнөзгө ээ. Анын алкагында иштердин татаалдыгы, көлөмү жана баасы бааланып, келечектеги долбоорлор үчүн бюджет такталып жатат.
"Учурда Айтматов проспектисинде төрт жер алдындагы өтмөк куруп, долбоордун баасын аныктап жатабыз. Биринчи өтмөк болжол менен 32–34 миллион сомго түштү. Азыр иштердин жалпы наркын эсептеп жатабыз. Баалар бекитилгенден кийин башка өтмөктөрдү курууга өтөбүз", — деди шаар мэри.
