Бишкектеги Чыгыш автобекети штаттык режимде ишин улантууда
Бишкек шаарынын мэриясы Чыгыш автобекети жаңы объектке көчүрүлгөнгө чейин өз ишин штаттык режимде улантып жатканын билдирет.
Ошол эле учурда Бишкек шаарынын мэри Айбек Жунушалиев автобекетке чектеш аймакта такси кызматтарынын ишин тартипке келтирүү боюнча тапшырма берди. Анын алкагында уруксатсыз токтоочу жайларды жоюу же ташуучулар менен белгиленген тартипте өз ара кызматташууну уюштуруу каралууда.
Мындан тышкары, Аламедин базарынын аймагында, анын ичинде Бишкек–Токмок, Бишкек–Кемин жана Бишкек–Кант багыттары боюнча каттам жүргүзгөн такси унааларынын ишин иретке келтирүү пландалууда.
Кабыл алынган чечимдер жана мындан аркы өзгөрүүлөр тууралуу кошумча маалымат берилет.
