Коом

Базар-Коргондо 200 тонна мөмө-жемиш сактоочу кампа пайдаланууга даяр

Айгерим Качкынбекова

07 март 2026 11:53

Суу ресурстары, айыл чарба жана кайра иштетүү өнөр жайы министрлигинин Аймактар менен өз ара аракеттенүү жана жер ресурстары башкармалыгынын башчысы Нурдин Довлетов Базар-Коргон районуна караштуу Сайдыкум айыл аймагындагы мөмө-жемиш сактоочу кампасынын иши менен таанышты. Бул тууралуу ведомстводон билдиришти.

Кампа Айгыр-Жал участкасында муниципалдык менчиктеги жер тилкесине курулган. Логистикалык борбор 2024-жылы CASA-1000 жергиликтүү коомчулуктарды колдоо долбоорунун кошумча каржылоосу аркылуу ишке ашырылган.

Долбоордун каржылоосу төмөнкү булактардан түзүлгөн:

CASA-1000 долбоору – 6 млн 644 миң 663 сом
Жергиликтүү бюджет – 104 миң сом
Жалпы сметалык баасы – 6 млн 748 миң 663 сом.

Мөмө-жемиш сактоочу кампасынын аянты 20 х 13,9 метрди түзөт. Кампа төрт бөлүккө бөлүнүп, ар биринде 50 тоннадан айыл чарба продукциясын сактоого мүмкүнчүлүк бар. Жалпы сактоо көлөмү 200 тоннаны түзөт.

Курулуш иштери 2024-жылдын 26-апрелинде Прогресс+С ЖЧК тарабынан башталып, учурда толугу менен аяктап, пайдаланууга берүүгө даяр. Кампа пияз, сабиз, капуста, болгар калемпири сыяктуу жашылчаларды, ошондой эле алма жана курма өңдүү мөмөлөрдү сактоого ылайыкташкан.

Сапардын жүрүшүндө Нурдин Довлетов жергиликтүү тургундардын жана ишкерлердин сунуш-пикирлерин угуп, көтөрүлгөн маселелер министрликтин жетекчилигине жеткирилерин белгиледи.

Белгиленгендей, кампаны иштеткен ишкер кошумча күнөскана чарбасын да жүргүзүп, органикалык жашылча жана мөмө-жемиш өстүрүү менен алектенет.

Мындан тышкары окуңуз

Айтматов районунун Чымкент айылында 140 орундуу бала бакчанын курулушу бүттү

Талас облусунун Айтматов районуна караштуу Чолпонбай айыл өкмөтүнүн Чымкент айылында 140 орундуу бала бакчанын курулушу аяктады. Объект республикалык бюджеттин эсебинен каржыланып, жалпы аянты 1 480,85 чарчы метрди түзгөн эки кабаттуу имарат курулду. Курулуш министрлигинин басма сөз кызматынын маалыматына караганда, бала бакча 140 балага ылайыкталып, билим алуу-тарбиялоо, эс алуу

Кыргызстанда сасык тумоого каршы эмдөө башталды

Кыргызстанга сасык тумоого каршы вакциналар алынып келинип, аймактарга таратылып берилди. Бишкектеги үй-бүлөлүк мединалык борборлордо эмдөө башталды. Бул тууралуу Санэпидкөзөмөл департаменти башкармалыгынын жетекчиси Динара Оторбаева "Биринчи радиодон" чыгып сүйлөгөндө билдирди. Динара Отунбаеванын сөзүнө караганда биринчи кезекте ооруну жуктуруп алуу коркунучу жогоркулар бекер эмделет. Алар: * Өнөкөт оорусу бар жарандар

Ч.Айтматовдун айкелинин эскизин даярдап - 200 000 сом байге утуп алуу сунушталууда

Маданият, маалымат жана жаштар саясаты министрлиги залкар жазуучу Чыңгыз Айтматовдун айкелинин жана анын чыгармаларынын негизиндеги скульптуралык композициянын эскиздик долбооруна жарыяланган ачык сынактын мөөнөтү 29-ноябрына чейин созулат. Мындай билдирүүнү аталган министрликтен маалымдашты. Сынактын максаты - жазуучунун инсандыгын, чыгармачылык мурасын жана чыгармаларындагы жалпы адамзаттык баалуулуктарды чагылдырган мыкты монументалдык-скульптуралык чечимди тандоо. Билдирүүгө

Улуттук банк алты талапкердин кызмат ордуна дайындалышына макулдук берди

Кыргыз Республикасынын Улуттук банкы 29-сентябрда коммерциялык банктардагы бир катар жетекчилик кызматтарга сунушталган талапкерлердин талапкерлигине макулдук берди. Бул тууралуу Улуттук банктын басма сөз кызматынан кабарлашты. Билдирүүгө караганда, “Асман Банк” ЖАКтын директорлор кеңешинин төрагасы кызматына сунушталган Исакова Гульзина Абыловнанын, ошондой эле директорлор кеңешинин мүчөлүгүнө сунушталган Ааб Рийна Амалиенин талапкерлигине макулдук берилди.