Ош-Кашкар эл аралык аба каттамын ачуу талкууланды
"Кыргызстандын аэропорттору" ААКсы менен Кытайдын авиакурулуш корпорациясы COMAC ортосунда Ош – Кашкар багыты боюнча эл аралык авиакаттам ачуу маселеси талкууланды. Компаниянын маалыматына ылайык, жаңы авиакаттамды ишке киргизүү ушул жылдын апрель айына пландалууда.
Иштиктүү жолугушуунун жүрүшүндө тараптар эки тараптуу авиациялык кызматташтыктын келечегин, ошондой эле Кыргызстан менен Кытайдын ортосундагы маршруттук тармакты өнүктүрүү маселелерин карап чыгышты. Негизги тема транспорттук жеткиликтүүлүктү жогорулатууга, ишкердик жана гуманитардык байланыштарды кеңейтүүгө багытталган Ош – Кашгар жаңы авиакаттамы болду.
Жолугушуунун катышуучулары COMAC компаниясы Chengdu Airlines авиакомпаниясынын акционери экенин белгилешти. Аталган авиакомпания өзүнүн өндүрүшүндөгү аба кемелерин активдүү пайдаланууда. Алдын ала маалыматтарга ылайык, Ош – Кашгар багыты боюнча каттамдар COMAC C909 үлгүсүндөгү учактар менен аткарылышы мүмкүн.
"Кыргызстандын аэропорттору" ААКсында бул долбоор эл аралык маршруттук тармакты өнүктүрүүдөгү маанилүү этап катары бааланып, Кытайдын алдыңкы авиациялык компаниялары менен өнөктөштүк мамилелерди чыңдоого өбөлгө түзөрү белгиленди.
