Бишкек–Нарын–Торугарт жолунда кар көчкү тазаланып, каттам ачылды
Бишкек–Нарын–Торугарт автожолунун 297–305-чакырым аралыгында кар көчкү тазаланып, жол ачылды. Бул тууралуу Транспорт жана коммуникациялар министрлигинин маалымат кызматы билдирди.
Маалыматка ылайык, учурда аталган тилкеде унаалар үчүн эки тараптуу каттам камсыздалды.
Ошол эле учурда бул аймакта кар көчкү түшүү коркунучу сакталууда. Зарыл болгон учурда жол тейлөө ишканалары тарабынан атайын техникалар жана жолчулар ыкчам иш алып барууга даяр экени белгиленди.
Министрлик жол кыймылынын катышуучуларын сак болууга жана жол коопсуздугунун эрежелерин так сактоого чакырат.
