“Ала-Тоо Резортко” баруучу жол быйыл пайдаланууга берилет
Ысык-Көл облусунун Ак-Суу районунда жайгашкан “Ала-Тоо Резорт” тоо-лыжа курортуна алып баруучу жолдун курулуш иштери жанданды. Бул тууралуу Транспорт жана коммуникациялар министрлигинин маалымат кызматы
Жыргалаң айылында кыш мезгили 7 айга чейин созулгандыктан, аба ырайынын жылышы менен жол куруу сезону башталып, учурда активдүү иштер жүрүп жатат. Тактап айтканда, Жыргалаң айылынан курортко чейинки 8,5 чакырым айланма жолдо жер жумуштары аткарылууда.
Мындан тышкары, суу өткөрүүчү курулмаларды орнотуу боюнча даярдык иштери параллелдүү түрдө жүргүзүлүүдө.
Мамлекет башчысы Садыр Жапаровдун тапшырмасына ылайык, Каракол шаарынан курортко чейин 2-4 тилкелүү заманбап унаа жолу курулат. Долбоор "Мамлекеттик капиталдык салымдар" беренесинин алкагында каржыланууда.
Долбоорго ылайык, жолдун негизги бөлүгү толук даярдалып, асфальт төшөлүп, 2026-жылы пайдаланууга берүү пландалууда.
Бул жолдун курулушу аймактагы туристтик инфраструктураны өнүктүрүүгө жана транспорттук жеткиликтүүлүктү жакшыртууга олуттуу салым кошот.
