Экономика

Кыргызстан менен JICA кызматташууну кеңейтет

Ишкер Media

08 апр 2026 11:49

Экономика жана коммерция министрлигинде министрдин орун басары Беназир Нурланова Япониянын Эл аралык кызматташтык агенттигинин (JICA) Башкы кеңсесинин Борбор Азия жана Кавказ бөлүмүнүн директорунун улук орун басары Сонояма Юка менен жолугушту. Жолугушуунун жүрүшүндө тараптар көп жылдык өнөктөштүктүн учурдагы жыйынтыктарын талкуулап, өлкөнүн стратегиялык өнүгүүсүнүн алкагында кызматташуунун жаңы багыттарын белгилешти.

Тараптар өзгөчө көңүлдү "Бир айыл — бир продукт" (БАБП) долбооруна бурушту. Бул долбоор натыйжалуу эл аралык кызматташуунун үлгүсү болуп, таанылып, Борбор Азия жана Кавказ аймагындагы башка өлкөлөргө да жайылтылууда. Демилгенин ишке ашырылышы эл аралык сапат стандарттарына жооп берген экологиялык таза продукцияны өндүрүүнү жолго коюуга, ошондой эле региондордун экспорттук мүмкүнчүлүктөрүн кыйла кеңейтүүгө шарт түздү.

Министрдин орун басары Беназир Нурланова учурда долбоорго өлкө боюнча, 3500 катышуучу тартылып, 107 цех иштеп жатканын айтты. Долбоордун алкагында 2774 түрдөгү продукция чыгарылып, чет өлкөлөргө экспорттолууда.

Тараптар долбоорду мындан ары модернизациялап, аны экспортко багытталган маанилүү инструментке айлантуу, жаңы катышуучуларды тартуу жана ишкерлерди колдоону күчөтүү боюнча макулдашышты. Ошондой эле кыргыз ишкерлерине япон тажрыйбасын үйрөтүү боюнча кызматташтыкты кеңейтүү пландалды.

Мындан тышкары окуңуз

Тоо-кен компаниялары аймактарды өнүктүрүүгө жылына 500 млн сомго чейин каражат бөлөт

Кыргызстанда тоо-кен компаниялары өз кирешелеринин 2 пайызын облустук жана райондук өнүктүрүү фонддоруна которот. Бул тууралуу мамлекет башчысы Садыр Жапаров 25-октябрда Чаткал районунун тургундары менен жолугушууда билдирди. Анын айтымында, дүйнөлүк бааларга жараша аталган фонддорго жыл сайын 200 млн сомдон 500 млн сомго чейин каражат түшүшү мүмкүн. Бул каражат айылдардагы

Токтогул шаарын өнүктүрүүгө 1,3 млрд сомдон ашык каражат бөлүндү

Токтогул шаарында социалдык объектилерди курууга, жолдорду оңдоого жана инфраструктураны жакшыртууга 1 млрд 376 млн сомдон ашык каражат багытталган. Бул тууралуу президент Садыр Жапаровдун 24-октябрдагы иш сапарында маалымдалды. Билдирүүгө караганда, анын ичинен 450 млн сом 1000 окуучуга ылайыкталган мектептин курулушуна, 230 млн сом 100 орундуу оорукананын курулушуна жана 130 млн

Чаткал районунун 11 айылында таза суу системалары курулуп жатат

Чаткал районунун 11 айылында таза ичүүчү суу менен камсыздоо системаларын куруу жана реконструкциялоо иштери жүргүзүлүүдө. Бул тууралуу бүгүн өлкө башчысы Садыр Жапаров район тургундары менен жолугушууда билдирди. Маалыматка ылайык, учурда райондун алты айылы таза ичүүчү суу менен камсыздалган. Ал эми калган калктуу конуштарды ичүүчү суу менен камсыздоо үчүн долбоордук-сметалык

Кара-Көл шаарынын кирешеси 2,3 эсеге көбөйдү

Кара-Көл шаарынын жергиликтүү бюджетинин кирешеси акыркы беш жылда 2,3 эсеге көбөйдү. Бул тууралуу президент Садыр Жапаров 23-октябрда Таш-Көмүр жана Кара-Көл шаарларынын тургундары менен жолугушууда билдирди. Мамлекет башчысынын айтымында, Кара-Көл шаарынын жергиликтүү кирешеси 2021-жылы 112 млн сомду түзсө, 2025-жылы 262 млн сомго жеткен.