Алматы–Тамчы багыты боюнча жайкы аба каттамдары жанданды
"Асман Эйрлайнс" авиакомпаниясы "Компас" тур оператору менен биргеликте Алматы – Тамчы – Алматы багыты боюнча 2026-жылдагы жайкы алгачкы эл аралык каттамын аткарды.
Маалыматка ылайык, "Ысык-Көл" эл аралык аэропортунда алгачкы жүргүнчүлөрдү салтанаттуу тосуп алуу аземи уюштурулду. Конокторго кыргыз элинин меймандостугу көрсөтүлдү.
Тамчы – Алматы – Тамчы багыты боюнча каттамдар сентябрга чейин жумасына эки жолу — дүйшөмбү жана жума күндөрү аткарылат.
Белгиленгей, аталган аба каттамы Кыргызстан менен Казакстандын ортосундагы туристтик жана транспорттук байланыштарды өнүктүрүүгө багытталган.
