Каракол – Эңилчек унаа жолунун курулуш сапаты текшерилди
Президенттин өзгөчө тапшырмалар боюнча атайын өкүлү Бакыт Төрөбаев жана Транспорт жана коммуникациялар министри Талантбек Солтобаев Каракол – Эңилчек унаа жолунун курулуш иштеринин көзөмөлдөштү.
Өкмөттүн басма сөз кызматынын маалыатына ылайык, иш сапардын жүрүшүндө жол курулушунун сапаты, иштердин белгиленген тартипке ылайык аткарылышы, ошондой эле объектти курулуш материалдары жана атайын техника менен камсыздоо маселелери каралды.
Транспорт жана коммуникациялар министрлиги билдиргендей, Каракол – Эңилчек жолунун курулушу Ысык-Көл облусундагы транспорттук байланышты жакшыртууга, алыскы аймактардын жеткиликтүүлүгүн камсыздоого жана аймактын туристтик-экономикалык мүмкүнчүлүктөрүн өнүктүрүүгө багытталган.
Транспорт жана коммуникациялар министрлиги жолдун курулушунун сапаты жана мөөнөтүнүн сакталышы көзөмөлдө болорун белгиледи.
