Нарында Бишкек–Нарын–Торугарт унаа жолунун бир тилкеси убактылуу жабылат
18–19-июлда Бишкек–Нарын–Торугарт унаа жолунун Нарын шаарынын 64 аймагынан өткөн тилкесинде кыймыл бир тараптуу жабылат. Бул тууралуу калаа мэриясы билдирди.
Маалыматка ылайык, жол кыймылына убактылуу чектөө саркынды суу түтүктөрүн куруу иштерин коопсуз жана өз убагында жүргүзүү максатында киргизилди.
Нарындын мэриясы айдоочуларды жол белгилерине баш ийүүгө, эрежелерди так сактоого жана өзгөчө түнкү убакта этият болууга чакырды.
Белгилей кетсек, учурда Нарын шаарында Европа реконструкциялоо жана өнүктүрүү банкынын колдоосу менен жалпы узундугу 12 чакырым болгон жаңы канализация тармагы курулуп, саркынды сууларды тазалоочу жай салынып жатат.
с
