"Менин шаарым" тиркемесинин активдүү колдонуучулары 573 миңге жетти
"Менин шаарым" мобилдик тиркемесинин активдүү колдонуучуларынын саны 573 миңге жетти. Тиркеме жалпысынан 1,5 миллиондон ашык жолу жүктөлүп, өткөн жылга салыштырмалуу көрсөткүч 6%га өскөн. Бул тууралуу мэриянын коллегиялык жыйынында мэрдин биринчи орун басары Кубанычбек Иманалиев билдирди.
Ошондой эле Бишкекте "Акылдуу автобус аялдамасы" системасы иштелип чыгып, жакын арада ишке киргизилери күтүлүүдө.
Мындан тышкары, "Эвакуатор", "Муниципалдык менчик", "Өндүрүш иштеринин эсебин алуу" жана "Санитардык тазалоо" маалыматтык системалары ишке киргизилди.
Шаарда казуу иштерине электрондук ордер берүү системасы киргизилип, электрондук көмүү реестри да түзүлдү.
Мэриянын маалыматына ылайык, бул иштер шаардык кызматтарды санариптештирүүгө жана тургундар үчүн электрондук кызматтардын жеткиликтүүлүгүн жогорулатууга багытталган.
