Ноокаттын Учбай айылында 4,5 млн сомго жол оңдолду
Ноокат районунун Т. Зулпуев айыл аймагына караштуу Учбай айылындагы Мечит көчөсүнө асфальт төшөө иштери кызуу жүрүп жатат. Бул тууралуу Ноокат райондук админстрациясынан билдиришти.
Маалыматка ылайык, аталган жолдун курулушунун долбоордук наркы 4 млн 500 миң сомду түзөт. Долбоорду ишке ашырууга каражат элдик салымдан 300 миң сом, жергиликтүү бюджеттен 680 миң сом, түрткү берүүчү гранттан 3 млн 520 миң сом которулган.
Жолдун асфальтталышы – айылдын инфраструктурасын жакшыртууга, тургундардын каттамын жеңилдетүүгө жана коопсуз, ыңгайлуу шарттарды түзүүгө багытталган маанилүү иштердин бири.
