"Бишкек Аренага" кайдан барса болот? Шаттл-автобустар жүрчү 21 дарек
30-31-августта Бишкекте Дүйнөлүк көчмөндөр оюндарынын расмий ачылышына байланыштуу жол кыймылына маал-маалы менен убактылуу чектөөлөр киргизилет. Бул тууралуу Ички иштер министрлиги билдирди.
ИИМ шаар тургундарына жана конокторуна каттамдарын алдын ала пландап, мүмкүн болушунча жеке унаанын ордуна коомдук транспортту пайдаланууну сунуштады.
Иш-чара өтүүчү "Бишкек Аренага" шаардын ар кайсы аймактарындагы 21 пункттан атайын шаттл-автобустар каттайт.
Шаттл-автобустардын жөнөө пункттары:
• Ибраимов жана Фрунзе көчөлөрүнүн кесилиши;
• Жибек Жолу проспектиси менен Кулиев көчөсүнүн кесилиши (мурдагы Батыш автобекети);
• Барпы Алыкулов көчөсү, 32 (Киркомстрой);
• А. Токомбаев көчөсү, 3/7 (Асанбай кичи району);
• "Ак-Кула" автобекети — Кожомкул айылы, Фрунзе көчөсү, 13Б/1;
• Ауэзов көчөсү, 4 (Аламүдүн-1 кичи району);
• "Туңгуч" кинотеатры, 64/1 (Туңгуч кичи району);
• Аул көчөсү, 10А/1 (Кожзавод);
• Жибек Жолу проспектиси, 263/2 (мурдагы Чыгыш автобекети);
• Иса Ахунбаев жана Достоевский көчөлөрүнүн кесилиши (Көк-Жар конушу);
• Алтымышев көчөсү, 98/1;
• Заречное айылы, Ала-Арча көчөсү, 1/6 ("Глобус");
• Эркиндик бульвары, 1/А (Темир жол бекети);
• Жаш Гвардия көчөсү, 287 (Маевка айылы);
• Малдыбаев көчөсү, 275/6 (Жаштар кварталы);
• Шабдан Баатыр көчөсү (азыркы Чүй проспектиси), 52 (ДЕПО-2);
• Ю. Фучик көчөсү, 6 (ДЕПО-1);
• Дэн Сяопин проспектиси (азыркы Чүй проспектиси), 209;
• Гагарин көчөсү, 284 — Фрунзе көчөсү менен кесилишкен жер;
• Ала-Тоо көчөсү, 115 (Ала-Тоо конушу);
• Тыналиев көчөсү, 16.
Шаттл-автобустардын каттамдары жана кыймылы тууралуу толук маалыматты "Менин шаарым" мобилдик тиркемесинен алууга болот.
ИИМ айдоочуларды 30-31-августта мүмкүн болушунча жеке унаадан баш тартууга чакырды. Бул жолдордогу жүктү жана тыгындардын пайда болуу ыктымалдыгын азайтууга жардам берет.
