Жаңы тариф саясаты: Энергетика министрлиги сандар каяктан чыкканына ачыктама берди

Энергетика жана өнөр жай министри Кубанычбек Турдубаев 22-апрелде өткөн пресс-конференцияда электр энергияга болгон жаңы тарифтер жана алар кантип эсептелип чыкканы тууралуу айтып берди.

Министрдин айтымында, жаңы тариф саясаты керектөөчүлөрдүн бир канча тобун өзүнө камтыйт. Биринчи топ – бул жардамга муктаж үй-бүлөлөр. Алар үчүн тариф 0.74 сомдон. Экинчи топ – оор климаттык шартта жашаган бийик тоолуу жана алыскы райондун жашоочулары, алар үчүн тариф – 1.04 сомду түзмөкчү.    

Калган керектөөчүлөрдүн баары электр энергияны өз баасында төлөй турган категорияга кирет. Алар 2020-жылы 1.48 сомдон, бирок эгерде кышкысын саатына 1000 киловаттан жогору колдонсо, анда 2.29 сомдон төлөшөт.

Андан сырткары өндүрүш ишканалары үчүн тариф 2.38 сомду түзсө, коомдук транспортту тейлеген ишканалар 1.68 сомдон, насостук станциялар – 1.48 сомдон, алтын рудасы менен алектенген компаниялар жана майнинг субъектилери – 4.76 сомдон төлөшмөкчү.   

Бул сандар каяктан чыкты?

Турдубаевдин берген маалыматына ылайык, 1.48 сомдук тариф негизги тариф болуп эсептелет жана бул энергетика компанияларынын 2020-жылдагы чыгашалырынын негизинде коюлган. Бул тариф импорттолгон электр энергияны, ЖЭБ Бишкектин генерациялоосун көбөйтүүгө күйүүчү майга кеткен кошумча чыгымды жана энергосектордун насыяларын камтыбайт.  

2.29 сомдук тарифи – бул энергетика компанияларынын 2022-жылга чейинки чыгашаларынан эсептелген болжолдуу сан. Ал импорттолгон электр энергияны, ЖЭБ Бишкектин генерациялоосун көбөйтүүгө кеткен күйүүчү майга болгон кошумча чыгымдарды, сырткы кредиттерди жана энергосектордогу насыяларды ичине камтыйт. Министр кошумчалагандай, электр энергиясын саатына 1000 кВт чейин чектеген тариф – керектөөчүлөрдү үнөмдүү колдонууга үйрөтөт.

Жардамга муктаж үй-бүлөлөргө каралган тариф – негизги тарифтин 50% дык өлчөмүндө эсептелген. Бийик тоолуу жана алыскы аймактардын жашоочуларына каралган 1.04 сомдук тариф болсо, ЖЭБ Бишкек жана Оштун электростанцияларынын чыгымдарын эске албаганда өздүк наркы менен эсептелген.

Ишканалар үчүн коюлган тариф болсо инфляциянын коэффициенти менен 2.38 сомго чейин көтөрүлгөн.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Куткаруучулар 10 айда 428 адамды өлүмдөн сактап калышты

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү

Ошто 2150 түп павловния көчөтү отургузулду