Микрокредиттерди алган кыргызстандыктардын саны 13 %га өстү
2020-жылы микрокредиттерди алган кыргызстандыктардын саны 13 %га өстү. Тагыраак айтканда, 625 миңден 707 миңге чейин көбөйгөн. Бул тууралуу улуттук статистикалык комитети билдирет.
Өткөн жылы микрокредиттик организациялар 31.1 млрд сом же 2019-жылга салыштырмалуу 3 %га көп насыя берген.
Эң көп сумма Ош (6.8.млрд сом) жана Жалал-Абад (4.9 млрд сом) областарында берилип, Бишкек (4.9 млрд сом), Чүй областында болсо (4.2 млрд сом) насыя алуучулардын саны бираз аз болгон.
Микрокредиттердин басымдуу бөлүгү дээрлик 34% – айыл-чарба тармагын өнүктүрүүгө кеткен. 28% болсо – керектөөчүлөрдүн муктаждыктарына, 10% – соода жана коомдук тамактануу тармактарга, 8% – курулушка жумшалган.
Насыяларды кайтарып берүүнүн деңгээли 95%ды түзүп, өткөн жылга салыштырмалуу 2%га көбөйгөн.
