Centerra Gold Кыргызстандын бийлиги менен сүйлөшүүгө даяр

Канадалык Centerra Gold Inc. (Кыргызстандын үлүшү 26.4%) алтын өндүрүү компаниясы «Кумтөр» долбоору боюнча КРнын бийлиги менен конструктивдүү сүйлөшүүгө барууга даяр экенин билдирди. Бул тууралуу компаниянын билдирүүсүндө айтылат.

«Биз өкмөт менен талаштуу деп эсептелген маселелер боюнча конструктивдүү сүйлөшүүгө барууга даярбыз. Ошол эле учурда, өкмөттүн акылга сыйбаган иш-аракеттери бизди Centerra Gold компаниясынын кызыкчылыгын, акционерлеринин жана туунду компаниясы «Кумтөр Голд» компаниясынын кызыкчылыктарын бардык мыйзамдуу жолдор менен, анын ичинде милдеттүү эл аралык арбитраж аркылуу коргонууга аргасыз кылат», – деп билдирет. 

«Кыргыз бийлигинин акыркы иш-аракеттери «Кумтөр» долбоорунун фундаменталдык негизин бузуп гана тим болбостон, 2700дөн ашуун кызматкерлердин (алардын 99% кыргыз жарандары), жүздөгөн жергиликтүү тургундардын, жашоо-тиричилигиндеги каржы маселесине коркунуч келтирүүдө. Ошондой эле бул өлкөдөгү эң ири салык төлөөчү жана жумуш орундары менен камсыз кылган «Кумтөр Голд Компани» ишканасынын позициясынан келип чыккан олуттуу баалуулуктарды жок кылуу коркунучун туудурат», – деп айтылат компаниянын билдирүүсүндө.  

 Компаниянын айтканына караганда, аталган иш-чаралар Centerra Gold ишканасынын  Кумтөр кенинин иштөө мөөнөтүн дагы беш жылга – 2031-жылга чейин узартуу үчүн кошумча капиталдык салымдар катары 2 млрд доллар бөлүү пландарына шек келтирет.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды