Чек ара аймактарында патенти жок иштеген мигранттарга айып пул салынат

Чек ара аймактарында патенти жок иштеген мигранттарга айып пул салынат. Бул тууралуу СКнын басма сөз кызматы билдирди.

Ыктыярдуу патенттин негизинде салык төлөбөй иштеген мигранттарга Ички иштер министрлиги тарабынан 10 миң сом жана СКты тарабынан 3 миң сом өлчөмүндө айып пул салынат.

Салык кызматы КРнын жарандарын чек ара аймактарындагы эмгекчи-мигранттарды ишке алаардан мурда, алардан ыктыярдуу патент талап кылууга чакырат.

Эске салсак, 2021-жылдын апрелинен тартып өсүмдүк өстүрүү, курулуш жана мал чарба, ошондой эле жекече тейлөө боюнча башка кызматтарды көрсөтүү жааттарында иштөө үчүн КРнын жарандары тарабынан жалданган чек ара аймактарындагы эмгек мигранттар ыктыярдуу патенттин негизинде иштей алышат.

Патентти аймактык салык органынан сатып алуу керек. Патенттин суммасы 30 календарлык күн үчүн 800 сомду түзөт.

Чек ара жанындагы эмгекчи-мигранттар КРнын салык салуу жана тышкы эмгек миграциясы чөйрөсүндөгү мыйзамдарына ылайык, Кыргызстандын аймагында визасыз режимди колдонуу мөөнөтү ичинде, патенттин негизинде жеке эмгек ишмердигин жүргүзө алат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Малайзияда темир жол тармагында тажрыйба алмашуу маселелери талкууланды

Бишкекте аянты 12 000 чарчы метрди түзгөн спорт академиясы курулууда

Кыргызстан менен АКШнын кызматташуу маселелери сүйлөшүлдү

Ошто 2150 түп павловния көчөтү отургузулду

Бишкекте таштанды чыгаруу акциясында 198 тонна таштанды чыгарылды