Жаңы Салык кодекси ишкерлерге экологиялык стандарттарды киргизүүгө түрткү берет
Салык кодексиндеги оңдоолор бизнеске жаңы экологиялык стандарттарды киргизүүгө түрткү берет. Учурда бул маселелерди редакцияланып жаткан кодекске киргизүү иштери жүрүп жатат.
Бул тууралуу Экономика министринин биринчи орун басары Данияр Иманалиев «Үчүнчү өлкөлөрдөгү климаттын өзгөрүшүнө каршы күрөшүү чараларына байланыштуу ЕАЭБ мамлекеттеринин тышкы соодасынын жаңы чакырыктары жана аларды жеңүү жолдору» вебинарында билдирди», – дейт Экономика министрлигинин басма сөз кызматы.
«Абага бөлүнүп чыккан зыяндуу заттарды эске алуу менен, улуттук деңгээлде жашыл ипотека, жашыл млрд сыяктуу демилгелерди карап жатабыз. Энергетикалык баланста көмүрдүн болжол менен 18%ы бар, аны акырындык менен жаңылануучу энергия булактары менен алмаштыруу пландаштырылууда. Биз жашыл энергияны колдонуп, болжол менен 1 млрд кВт/саат электр энергиясын өндүрө алабыз деп аракет кылышыбыз керек», – деди ал.
Министрдин орун басары кошумчалагандай, Кыргызстан үчүн энергетикадан тышкары, транспорттук сектор дагы чоң мааниге ээ, бул дагы абага зыяндуу заттардын бөлүнүп чыгышын камсыз кылат. «Бул үчүн газ кыймылдаткычтарынын паркын жана электромобилдерди көбөйтүү тилегибиз бар», – деди Иманалиев.
