Кыргызстандын эң ири энергетикалык компаниялары донорлорго 1,3 млрд доллар карыз
Өлкөдөгү эң ири энергетикалык компания деп эсептелген «Бишкектеплосеть», «Түндүкэлектро», «Ошэлектро», «Электр станциялары» жана «Кыргызстандын улуттук электр тармактары» ААКдору донорлорго 1,3 млрд доллардан ашык карыз. Бул тууралуу Экономика министрлиги билдирет.
Эң көп эл аралык каржы институттарына «КУЭТ» ААК карыз. «Кыргызстандын улуттук электр тармактарынын» 2020-жылдын 31-декабрына карата карызы 787.6 млн долларды түзгөн. Андан кийин эле 457.9 млн доллар карызы менен «Электр тармактары» турат.
«Түндүкэлектронун» кредити 41.9 млн доллар болсо, «Бишкектеплосеть» ишканасынын карызы 8.2 млн долларды, «Ошэлектронуку» 6.3 млн долларды түзөт.
Кыргызстандын энергетикалык компанияларына мындай ири карыздарды Кытайдын Экспорттук-импорттук Банкы берген. Жалпысынан ал 986,5 млн доллар бөлгөн.
