Бишкекте маршруттук таксилерге альтернатива катары – шаттлдар ишке кирди
Бишкектеги маршруттук таксилердин айдоочуларынын масштабдуу иш таштоосунан кийин Yandex Go кызматы аларга альтернатива катарында ар бир 15 мүнөт сайын белгилүү маршрут боюнча жүргөн шатллдарды ишке киргизди. Жол киренин баасы – 20 сомду түзөт.
«Шаттл – бул ыңгайлуу микроавтобус, анда тиркеме аркылуу бир орунду алдын ала брондоого болот» – дейт «Яндекс» кызматы.
Чүй проспектиси – Абдрахманов/ Байтик Баатыр (мурдагы Совет көчөсү) – Ахунбаев – Чыңгыз Айтматов /Манас проспектиси боюнча шаттлдар бир айланма маршрут менен ар бир 15 мүнөттө өтүшөт.
Шатллдар эртең мененки саат 8:00дөн кечки 20:00гө чейин иштешип, түшүү жана чыгуу аялдамадан жүргүзүлөт. Ошондой эле жол кирени айдоочуга төлөө накталай берилет.
