Чүй агроөнөр жай аймагында агын сууларды тазалоо комплекси курулат
Чүй агроөнөр жай аймагында агын сууларды тазалоочу комплексин куруу боюнча келишимге кол коюлду. Долбоор Кыргыз Республикасынын Өкмөтүнүн №1057-Т тескемесинин негизинде ишке ашырылат. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Комплекс агын сууларды заманбап ыкмада тазалап, айлана-чөйрөгө болгон жүктү азайтат. Ошондой эле эт, тери, желатин жана субпродуктыларды терең кайра иштетүүгө шарт түзөт.
"Кыргыз Агрохолдинг" ААК — долбоордун стратегиялык координатору. Буюртмачы — Суу ресурстары, айыл чарба жана кайра иштетүү өнөр жай министрлигине караштуу Ичүүчү суу менен камсыздоо жана саркынды сууларды агызуу департаменти. Подрядчы — China Road компаниясы, ал долбоорлоо, жабдуу жеткирүү жана курулуш иштерин жүргүзөт.
Долбоор аймактын инфраструктурасын чыңдап, экологиялык коопсуздукту жана инвестициялык жагымдуулукту жогорулатат.
