Digital CASA долбоору боюнча тендердин жеңүүчүсүнөн 300 миң доллар талап кылышкан – чиновник билдирди

Назира Абдиева

13 авг. 2021 17:05

Мурдагы мамлекеттик кызматкер Уран Чекирбаев президенттик аппараттын бөлүм башчысы кызматынан кетти. Ал муну кесиптештеринин Digital CASA долбоору боюнча опузалоо аракеттерин ачык жарыялагандыгы менен түшүндүрдү. Бул тууралуу Чекирбаев өзүнүн фейсбук баракчасына жазды.

«Көптөр эмне үчүн жумушуңдан кеттиң деп сурап жатышат. Негизги себеби – менин Президенттик Администрацияда менин кесиптештерим, тактап айтканда, санариптик өнүктүрүү бөлүмүнүн башчылары Муканов (мурдагы) жана Байтереков (азыркы) Digital CASA долбоорунун тендеринин жеңүүчүсүнөн 300 миң доллар опузалап алуу аракетин кылганын ачык айттым», – деди ал.

«Белгилүү болгондой, Дүйнөлүк банк 50 млн доллар суммасындагы долбоорду тоңдуруп койду. Анын 25 млн доллары грант болчу. Мунун бир себеби дал ушундай жаман көрүнүштөрдөн улам болду. Мага КРнын премьер-министри Марипов өзү мени кызматтан кетүүмдү талап кылганын айтышты. Ал эми президенттин Администрациясынын башчысы Касмамбетов Digital KASA долбооруна байланыштуу жагдайды уккан да, коргогон да, иликтеген да, ал эмес президентке бул кырдаалды жеткирген да жок.

Президент Жапаров мындай команда менен алыска барбайт. Президент ишке ашырууга буйрук берет бирок кол алдындагылар өз билгениндей жасашат. Элестетиңиз, өлкө 25 млн доллар жоготту. Интернет айылдарга туташтырылган эмес, бул каражатка ошону ишке ашырсак болмок.

Мен түшүнгөндөй, мына ушундай кадр саясатынын айынан 30 жылдан бери өлкө башаламан болуп, чөгүп баратат. Бул өлкө үчүн уят. Мен Марипов менен Касмамбетов опузалоого тиешеси жок деп ишенем, бирок алардын иш-аракеттери тескерисин көрсөтүп турат. Эгерде мага бир нерсе болуп кетсе, мунун баары эмне себептен болгонун айткым келет», – деп жазды Уран Чекирбаев.

Эскерте кетсек, 5-августта Министрлер кабинети «Digital CASA – Кыргыз Республикасы» долбоорун ишке ашыруу 2018-жылы башталгандыгына карабастан, Санариптик өнүктүрүү министрлиги тарабынан долбоордун 4 компонентинин бири дагы ишке ашырылган эмес деп билдирген болчу.

Мындан тышкары окуңуз

Дары-дармек импортундагы мыйзам бузуу: Бюджетке 1,3 млн сом өндүрүлдү

Мамлекеттик бажы кызматы дары-дармек импорттоодо КНС боюнча жеңилдик мыйзамсыз колдонулганын аныктады. Натыйжада мамлекеттик бюджетке 1,3 млн сомдон ашык каражат өндүрүлдү. Мамлекеттик бажы кызматынын кызматкерлери дары-дармек каражаттарын импорттоодо кошумча нарк салыгы (КНС) боюнча жеңилдик мыйзамсыз колдонулганын аныкташты. Маалыматка ылайык, "Н.В.С.О." компаниясы салыктан бошотулган

Жыргалаңда дагы төрт асма аркан жолунун курулушу башталды

Жыргалаңда “Ала-Тоо Резорт” мамлекеттик төрт мезгилдүү тоо-туристтик кластеринин алкагында дагы төрт асма аркан жолунун курулушу башталды. Бул тууралуу ишкананын расмий баракчасына жарыядланды. Маалыматка ылайык, асма аркан инфраструктурасын куруу иштерин асма транспорттук системаларды долбоорлоо жана куруу боюнча дүйнөлүк лидер болгон Doppelmayr компаниясы ишке ашырууда. Учурда төмөнкү асма аркан жолдорунун

Манас шаарында жол боюндагы дарактар иретке келтирилди

Манас шаарында жол четиндеги бак-дарактарды иретке келтирүү жана бутоо иштери жүрүп жатат. Бул тууралуу калаа мэриясынан билдиришти. Маалыматка ылайык, иш-чараны Манас шаарынын көрктөндүрүү жана жашылдандыруу ишканасы аткарды. Дарактардын куураган жана ашыкча бутактары кыркылып, алардын жакшы өсүшүнө шарт түзүлдү. Мэрия белгилегендей, мындай иш-аракеттер шаардын көчөлөрүнүн көрктүүлүгүн арттырууга, жашыл

Бишкекте ижарадагы жер тилкелерин сатып алууга 50%га чейин жеңилдик берилет

Бишкек мэриясы көп батирлүү үйлөр курулган ижарадагы жер тилкелерин сатып алууда төмөндөтүүчү коэффициенттерди киргизди. Чечим турак жай ээлеринин мүлктүк укуктарын каттоодогу көйгөйлөрдү жоюуга багытталган. Ага ылайык: * 2026-жылдын 31-декабрына чейин жер тилкесин сатып алуу баасы 50%га төмөндөтүлөт (коэффициент – 0,5); * 2027-жылы – 40%га (коэффициент – 0,6); * 2028-