Казакстан КРга 1000 тонна буудайды жардам катары берүүнү карап жатат
Казакстан Республикасынын КРгы элчиси Рапиль Жошыбаев казак тарап быйылкы жылы 1000 тонна күздүк буудайдын түшүмдүү үрөнүн гранттык жардам катары берүү маселесин карап жатканын маалымдады. Бул тууралуу ТИМдин маалымат кызматы кабарлады.
Казакстан тарабынын демилгеси боюнча кечээ, 12-августта КРнын Тышкы иштер министри Руслан Казакбаев Казакстандын КРгы жаңы дайындалган Атайын жана Ыйгарым укуктуу Элчиси Рапил Жошыбаевди кабыл алды.
Министр Казакбаев казак тарапка азык-түлүк коопсуздугун камсыздоо, ошондой эле коронавирустук пандемиянын жайылышына каршы күрөшүү үчүн көрсөтүлгөн гуманитардык жардам үчүн ыраазычылык билдирди. Бул багытта, Казак элчиси Жошыбаев казак тарап быйылкы жылы 1000 тонна күздүк буудайдын түшүмдүү үрөнүн гранттык жардам катары берүү маселесин карап жатканын маалымдады.
Эки тарап саясий, соода-экономикалык, маданий-гуманитардык, чек ара чөйрөсүндөгү кыргыз-казак мамилесинин учурдагы жана актуалдуу маселелеринин кеңири талкуулашты.
Кыргыз тарап эки өлкөнүн аймагы аркылуу Кыргызстандын жарандарынын Казакстанга кирүүсүнө жана транспорт каражаттарынын жана жарандардын эркин жүрүүсү жана транзити үчүн чектөө чараларын мүмкүн болушунча эртерээк алып салуу зарылдыгына өзгөчө көңүл бурду.
