Президент милициянын бизнести текшерүүсүнө каршы

Президент Садыр Жапаров Экономика жана финансы министрлигинин экономикалык чөйрөдөгү мыйзам бузууларды аныктоо жана аларга бөгөт коюу боюнча ички иштер органдарынын участкалык кызматкерлеринин ыйгарым укуктарын кеңейтүү демилгесине каршы. Бул тууралуу президенттин маалымат кызматы билдирди.

Мамлекет башчысынын белгилешинче, ички иштер органдарынын кызматкерлери ишкердик субъектилердин ишине эч кандай кийлигишпеши керек. Участкалык ыйгарым укуктуу милиция кызматкерлери өздөрүнүн түздөн-түз милдеттерин – коомдук тартипти коргоо жана ага бөлүнгөн участокто кылмыштуулуктун алдын алуу боюнча профилактикалык иштерди аткарууга милдеттүү.

«Президент Садыр Жапаров Экономика жана финансы министрлигинин участкалык милиция кызматкерлерине аталган ыйгарым укуктарды берүү демилгесине караманча каршы», – деп билдирди өлкө башчынын маалымат кызматы.

Эскерте кетсек, өткөн айдын ортосунда экономика жана каржы министри Акылбек Жапаров экономикалык чөйрөдө райондук башкармалыктарга текшерүүчү ыйгарым укуктарды бере турган токтом долбоорун иштеп чыгып, министрлер кабинетине киргизүүнү тапшырган. 4 -августта, бул маселе боюнча мекемелер аралык жумушчу топтун биринчи жыйыны болуп өткөн.

Ишканаларды текшерүү үчүн аймактык милицияга ыйгарым укуктарды берүү жаман натыйжаларга алып келиши мүмкүн деген пикирин Economist.kg сайтына Кыргызстандын ишкерлер бирлигинин президенти Мелис Сатаров билдирген болчу.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды