Кыргызстанда баалуу металлдардын биржасын түзүү пландалууда

Назира Абдиева

16 авг. 2021 18:56

Баалуу металлдар жана баалуу таштар жөнүндөгү мыйзамдын жаңы редакциясын талкуулоонун алкагында Кыргыз фондулук биржасында баалуу металлдардын жүгүртүлүшү боюнча долбоорду киргизүү пландалууда.

КФБнын президенти Медет Назаралиев баалуу металлдардын биржасын өнүктүрүү каржы рыногуна оң таасирин тийгизет деп эсептейт.

«Биринчиден, жаңы рыноктун түзүлүшү менен, алтындын жана баалуу металлдардын негизги керектөөчү өлкөлөрдөн өлкөгө кошумча капитал агат. Экинчиден, каржы рыногунун кесипкөй катышуучулары жана калк үчүн кеңири инвестициялык мүмкүнчүлүктөр ачылат. Биржада соода кылуу активдүү соодагерлерди да, узак мөөнөттүү инвесторлорду да кызыктырат. Андан тышкары, башка финансылык инструменттерге салыштырмалуу бул жерде чыгымдар минималдуу. Биржа бүтүмдөрдүн гаранты катары иштейт жана алардын ачыктыгын камсыздайт», – деп түшүндүрдү Назаралиев.

Анын пикиринде, бүгүнкү күндө Кыргызстанда баалуу металлдардын биржасын өнүктүрүү үчүн бардык өбөлгөлөр бар. Республикада 255тей алтын кени бар, алардын жалпы запасы 2149 тоннаны түзөт. КРда жыл сайын 18.3 тоннага жакын алтын казылып алынат, анын 18 тоннага жакыны экспорттолот.

КФБнын жетекчисинин айтымында, баалуу металлдар биржасын түзүү – рынокто көмүскө жүгүртүүнү мыйзамдаштырууга жана ата мекендик өндүрүүчүлөрдү зергер буюмдары менен камсыз кылуу үчүн ички чийки зат базасын өнүктүрүүгө алып келет.

Мындан тышкары окуңуз

3,1 млн сомго бааланган унаалар мыйзамсыз каттоодон өткөрүлгөн

Мамлекеттик Бажы кызматы эки жүк ташуучу автоунааны мыйзамсыз каттоо фактысын аныктады. Мамлекетке келтирилген 3,1 млн сомдон ашык зыяндын орду толтурулду. Бул тууралуу Бажы кызматынан билдиришти. Маалыматка таянсак, Мамлекеттик бажы кызматынын кызматкерлери Кыргызстандын аймагында 2012-жылы чыгарылган “DAF” үлгүсүндөгү эки жүк ташуучу автоунаанын баштапкы мамлекеттик каттоодон мыйзамсыз өткөрүү фактысын аныкташты.

Баткендеги 28 айыл жакынкы жылдары ичүүчү суу менен камсыз болот

Дүйнөлүк банктын өкүлдөрү Баткен облусунда ишке ашырылып жаткан ичүүчү суу долбоорунун жүрүшү менен таанышты. Долбоордун алкагында жакынкы жылдары 28 айыл таза ичүүчү суу менен камсыздалат. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. "Климаттын өзгөрүшүнө туруктуу суу чарба кызматтарын жакшыртуу" долбоорунун алкагында Дүйнөлүк

Ошто Рахманов жана Беш-Капа көчөлөрү жабылат

Ошто У. Рахманов жана Беш-Капа көчөлөрү убактылуу жабылат. Бул тууралуу Ош шаардык мэриясынан билдиришти. Маалыматка караганда, У. Рахманов көчөсүндө узундугу 1200 метрди түзгөн төрт тилкелүү жолго асфальт төшөө иштери жүргүзүлүп жаткандыгына байланыштуу, 7-июлдан тартып У. Рахманов жана Беш-Капа көчөлөрү автотранспорт кыймылы үчүн убактылуу жабылат. Ош шаардык мэриясы

Таласта документтери жок курулуш жүргүзгөн ишкер 200 миң сом айыпка жыгылды

Талас облусундагы "Маржан Апа" эс алуу борборунун курулушунда мыйзам бузуулар аныкталып, курулуш иштерин жүргүзгөн жеке ишкерге 200 миң сом айып пул салынды. Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаментинин Талас региондук башкармалыгы Айтматов районунун Кара-Сай айылындагы "Маржан Апа"