Октябрдан пенсия көтөрүлөт жана жарым жылда 41 миң жаранга пенсия чектелди – Соцфонд

Назира Абдиева

16 авг. 2021 17:32

2021-жылдын январь-июль айларында Социалдык фонд тарабынан 41017 жаранга пенсия дайындалып чектелди. Ошондой эле ушул жылдын октябрь айынан тартып, пенсиянын көтөрүлүшү күтүлүүдө. Бул тууралуу фонддун маалымат кызматы кабарлады.

2021-жылы июль айында 4619 жаранга пенсия чектелди, андан тышкары, эмгек стажы, эмгек акысы, окуусу жана майыптыгы боюнча 839 пенсионерге кошумча берилген документтерге ылайык пенсиялар кайрадан эсептелди.

Кыргызстанда 1-октябрдан тарта пенсия жогорулайт. Саламаттыкты сактоо жана социалдык өнүгүү министрлиги министрлер кабинетинин алардын базалык жана камсыздандыруу бөлүктөрүн индексациялоо боюнча токтомдорунун долбоорлорун коомдук талкууга чыгарганын 24.kg маалымдады.

Чиновниктер пенсиянын жалпы суммасы өткөн жылдагы пенсионердин жашоо минимумунан (4785.4 сом) төмөн болсо, базалык бөлүгүн 10 пайызга жогорулатууну сунуштап жатышат. Министрликтин маалыматы боюнча, муну өлкөдө 343.8 миң (48 пайыз) пенсионер алат.

Камсыздандыруу бөлүгү 4785.4 сомго чейин пенсия алгандар үчүн кеминде 200 сомго, анын өлчөмү бул суммадан ашса 500 сомдон кем эмес көбөйтүлүшү күтүлүүдө.

Пенсиянын базалык жана камсыздандыруу бөлүктөрүн алдыдагы индекстөөнүн жыйынтыгы боюнча, жалпы пенсиянын орточо өлчөмү 6 248 сомго бааланат, бул 455 сомго көбөйгөн учурдагы орточо пенсиядан жогору эсептелгенде ( 8 пайыз).

Саламаттыкты сактоо жана социалдык өнүктүрүү министрлигинин Социалдык фондунун алдын ала эсептөөлөрү боюнча, 1-октябрга карата пенсионерлердин саны 715.5 миң адамды түзөт.

Мындан тышкары окуңуз

Жыргалаңда дагы төрт асма аркан жолунун курулушу башталды

Жыргалаңда “Ала-Тоо Резорт” мамлекеттик төрт мезгилдүү тоо-туристтик кластеринин алкагында дагы төрт асма аркан жолунун курулушу башталды. Бул тууралуу ишкананын расмий баракчасына жарыядланды. Маалыматка ылайык, асма аркан инфраструктурасын куруу иштерин асма транспорттук системаларды долбоорлоо жана куруу боюнча дүйнөлүк лидер болгон Doppelmayr компаниясы ишке ашырууда. Учурда төмөнкү асма аркан жолдорунун

Манас шаарында жол боюндагы дарактар иретке келтирилди

Манас шаарында жол четиндеги бак-дарактарды иретке келтирүү жана бутоо иштери жүрүп жатат. Бул тууралуу калаа мэриясынан билдиришти. Маалыматка ылайык, иш-чараны Манас шаарынын көрктөндүрүү жана жашылдандыруу ишканасы аткарды. Дарактардын куураган жана ашыкча бутактары кыркылып, алардын жакшы өсүшүнө шарт түзүлдү. Мэрия белгилегендей, мындай иш-аракеттер шаардын көчөлөрүнүн көрктүүлүгүн арттырууга, жашыл

Бишкекте ижарадагы жер тилкелерин сатып алууга 50%га чейин жеңилдик берилет

Бишкек мэриясы көп батирлүү үйлөр курулган ижарадагы жер тилкелерин сатып алууда төмөндөтүүчү коэффициенттерди киргизди. Чечим турак жай ээлеринин мүлктүк укуктарын каттоодогу көйгөйлөрдү жоюуга багытталган. Ага ылайык: * 2026-жылдын 31-декабрына чейин жер тилкесин сатып алуу баасы 50%га төмөндөтүлөт (коэффициент – 0,5); * 2027-жылы – 40%га (коэффициент – 0,6); * 2028-

3,1 млн сомго бааланган унаалар мыйзамсыз каттоодон өткөрүлгөн

Мамлекеттик Бажы кызматы эки жүк ташуучу автоунааны мыйзамсыз каттоо фактысын аныктады. Мамлекетке келтирилген 3,1 млн сомдон ашык зыяндын орду толтурулду. Бул тууралуу Бажы кызматынан билдиришти. Маалыматка таянсак, Мамлекеттик бажы кызматынын кызматкерлери Кыргызстандын аймагында 2012-жылы чыгарылган “DAF” үлгүсүндөгү эки жүк ташуучу автоунаанын баштапкы мамлекеттик каттоодон мыйзамсыз өткөрүү фактысын аныкташты.