Бүгүн «Кумтөрдүн» тагдыры чечилет

Бүгүн, 17-августта дүйнөлүк арбитраж Кумтөр боюнча ишти карайт. Эске салсак, Centerra Gold Inc. «Кумтөр Голд Компани» жана «Кумтөр Оперейтинг Компани» ишканаларынын банкрот болуусун «уюштуруу» демилгесин көтөрүп, компания АКШнын банкроттуулук жөнүндөгү федералдык кодексинин 11-бөлүмүнүн негизинде Нью-Йорктун Түштүк округу боюнча сотуна кайрылуу жолдошкон.

Сот тарабынан көзөмөлдөнгөн бул жараян, башка нерселер менен катар эле, дүйнө жүзүнүн масштабында «Кумтөр Голд Компани» жана «Кумтөр Оперейтинг Компаниге» каршы бардык доолорду автоматтык түрдө убактылуу токтотуп тура алуу күчүнө ээ.

Бирок «Кумтөр Голд Компани» компаниянын банкроттугу боюнча соттун чечимин тааныбай тургандыгын айткан эле.

Жыйынтыгында, компаниянын билдирүүсүнө ылайык, «КГКнын» ишкердиги КРнын мыйзамдарына гана баш ийет. «КГК» төлөөгө жөндөмдүү компания жана жакынкы келечекте Кумтөр кенинин туруктуу иштешин камсыз кылуу үчүн товарларды жана тейлөөлөрдү көрсөткөн жеткирүүчүлөрү менен өз убагында эсептешүү боюнча жоопкерчиликтен баш тартпайт. «КГКнын» өзүнүн социалдык милдеттемелерин жана ошондой эле, КРнын бюджетинин, өзүнүн кызматкерлеринин жана жалданма уюмдардын алдында бардык милдеттерин аткаруусун улантат деп билдирген эле.

Centerra Gold Inc. кыргыз өкмөтүнө туунду «КГКга» тышкы башкарууну киргизүүгө тыюу салууну жана жакында киргизилген айыптар жана салыктык дооматтар боюнча аны жоопко тартууну сот аркылуу жетүүгө ниеттенүүдө.

Андан тышкары, Centerra Gold Inc. кыргыз тараптан «КГКга» каршы кыргыз өкмөтүнүн иш-аракеттеринин натыйжасында келтирилген чыгымдар жана зыяндар үчүн компенсация алууну көздөөдө.

Буга байланыштуу АКШнын Кыргызстандагы элчилигинин имаратынын жанында активисттер ишти адилеттүү карап чыгуу өтүнүчү менен митингге чыгышууда.

Соттун чечимдерин Economist.kg сайты кызыгуу менен карап турат жана жаңылыктарды окурмандары менен бөлүшүп турмакчы.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды