Кореялык инвесторлор түштүктөгү кенди басып алган рейдерлерди жоопко тартууну суранышууда

Назира Абдиева

17 авг. 2021 17:28

Кореядан келген инвесторлор кыргыз бийлигинен Жалал-Абад облусунун Чаткал районундагы «Төмөнкү Чандалаш» кенин басып алгандарды жоопко тартууну суранышууда. Бул тууралуу Коррупцияга каршы ишкер кеңештин басма сөз кызматы билдирди.

Коррупцияга каршы ишкердик кеңешке Түштүк Кореянын чет өлкөлүк жарандарынан, атап айтканда «Тоокен Корея» ААКсынын директору Ли Кын А. берген билдирүүгө ылайык, чет өлкөлүк инвесторлор ачык түрдө рейдерлик жол менен мүлктү тартып алуунун курмандыгы болушкан. Ошондой эле бул жагдайга полиция, прокурорлор жана соттор эч кандай чара көрүшкөн эмес.

Түштүк кореялык инвесторлордун айтымында, 2012-жылдын декабрынан 2021-жылга чейин Жалал-Абад облусунун Чаткал районундагы «Төмөнкү Чандалаш» кенине салынган инвестициялардын суммасы 1 млн долларды түзгөн.

Инвесторлор «Booster» ЖЧКсынын иши толук каралып бүткүчө кендеги бардык иштерди токтотууну суранышууда. Учурда Түштүк Кореянын жарандары, компаниянын 25% акцияларына ээ болсо да шахтага кире албай калышкан жана ал мурдагы жылдардагы пайданын үлүшүн алыша элек.

Коррупцияга каршы ишкердик кеңеши мүлктү рейдерлик басып алууга тиешеси бар бардык адамдарды жоопко тартуу үчүн кореялык инвесторлордун укугун коргоо чараларын көрүү сунуштарын президентке, ошондой эле КРнын Башкы прокуратурасына жөнөттү.

Мындан тышкары окуңуз

Бишкекте ижарадагы жер тилкелерин сатып алууга 50%га чейин жеңилдик берилет

Бишкек мэриясы көп батирлүү үйлөр курулган ижарадагы жер тилкелерин сатып алууда төмөндөтүүчү коэффициенттерди киргизди. Чечим турак жай ээлеринин мүлктүк укуктарын каттоодогу көйгөйлөрдү жоюуга багытталган. Ага ылайык: * 2026-жылдын 31-декабрына чейин жер тилкесин сатып алуу баасы 50%га төмөндөтүлөт (коэффициент – 0,5); * 2027-жылы – 40%га (коэффициент – 0,6); * 2028-

3,1 млн сомго бааланган унаалар мыйзамсыз каттоодон өткөрүлгөн

Мамлекеттик Бажы кызматы эки жүк ташуучу автоунааны мыйзамсыз каттоо фактысын аныктады. Мамлекетке келтирилген 3,1 млн сомдон ашык зыяндын орду толтурулду. Бул тууралуу Бажы кызматынан билдиришти. Маалыматка таянсак, Мамлекеттик бажы кызматынын кызматкерлери Кыргызстандын аймагында 2012-жылы чыгарылган “DAF” үлгүсүндөгү эки жүк ташуучу автоунаанын баштапкы мамлекеттик каттоодон мыйзамсыз өткөрүү фактысын аныкташты.

Баткендеги 28 айыл жакынкы жылдары ичүүчү суу менен камсыз болот

Дүйнөлүк банктын өкүлдөрү Баткен облусунда ишке ашырылып жаткан ичүүчү суу долбоорунун жүрүшү менен таанышты. Долбоордун алкагында жакынкы жылдары 28 айыл таза ичүүчү суу менен камсыздалат. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. "Климаттын өзгөрүшүнө туруктуу суу чарба кызматтарын жакшыртуу" долбоорунун алкагында Дүйнөлүк

Ошто Рахманов жана Беш-Капа көчөлөрү жабылат

Ошто У. Рахманов жана Беш-Капа көчөлөрү убактылуу жабылат. Бул тууралуу Ош шаардык мэриясынан билдиришти. Маалыматка караганда, У. Рахманов көчөсүндө узундугу 1200 метрди түзгөн төрт тилкелүү жолго асфальт төшөө иштери жүргүзүлүп жаткандыгына байланыштуу, 7-июлдан тартып У. Рахманов жана Беш-Капа көчөлөрү автотранспорт кыймылы үчүн убактылуу жабылат. Ош шаардык мэриясы