Түрк кеңешинин биринчи Жаш ишкерлер форуму сентябрда Ташкентте өтөт
Түрк кеңешинин Биринчи Жаш ишкерлер форуму 2021-жылдын 19-22-сентябрында Ташкент шаарында өтөт. Бул тууралуу Соода-өнөр жай палатасынын маалымат кызматы билдирди.
Кыргызстандын делегациясын Соода-өнөр жай палатасы, Экономика министрлиги жана Тышкы иштер министрлиги түзүүдө.
Түрк тилдүү мамлекеттердин кызматташтык кеңешинин маалыматында, форумга 200го жакын адам, анын ичинде ар бир өлкөдөн 18ден жаш ишкерлер катышат. Алар негизги 6 тармакты: агробизнес, IT-стартап, туризм, жеңил өнөр-жай (текстиль/тигүү), тамак-аш өнөр жайы жана маркетингди тааныштырат.
КРнын делегациясына ар бир тармактан үчтөн жаш ишкерлер киргизилет. Мындан тышкары, Форумдун алкагында 20-сентябрда Түрк кеңешинин Жаштар иштери жана спорт боюнча министрлердин 5-жолугушуусун уюштуруу пландалууда.
