Татарстандан КРга санариптик өнүктүрүү боюнча эксперттер келишти

Татарстандан келген санарип эксперттер Санариптик өнүктүрүү министрлигине тажрыйба алмашуу жана таанышуу визити менен келишкен. Бул тууралуу СӨМдүн маалымат кызматы кабарлады.

Делегациянын курамында Татарстан Республикасынын мамлекеттик башкаруунун санариптик өнүктүрүү, маалыматтык технологиялар жана байланыш министринин орун басары Альберт Яковлев, мамлекеттик жана муниципалдык кызматтарды көрсөтүү боюнча көп функциялуу борбордун (КФБ) директору Ленара Музафарова, «Документ алмашуу системасы» ЖЧК башчысы жана өкүлдөрү, ТРнын мамлекеттик буюртма боюнча Мамлекеттик агенттигинин жетекчилери, ТРнын премьер-министринин жардамчысы Насибуллин Назил жетектеп келген.

Визиттин жүрүшүндө кызматташуу боюнча меморандумга кол коюлуп, тараптар тажрыйба алмашуу, кадрлардын кесиптик деңгээлин жогорулатуу, биргелешкен илимий изилдөө жана ишмердүүлүк сыяктуу өз ара кызматташуунун бир катар багыттарын аныкташты деп билдирди министрликтен.

Маалыматка ылайык, Санариптик өнүктүрүү министрлиги КТБунда тейлөө деңгээлин жогорулатуу багытында инновациялык системаны киргизүү боюнча мыйзамдарды иштеп чыгууда. Бул процесстерди жана тейлөө кызматтарын автоматташтырууга өбөлгө түзүп, күтүү убактысынын кыскарышына, тейлөөнүн ылдамдыгынын жогорулашына жана көрсөтүлгөн кызматтардын сапатына системалуу түрдө таасирин тийгизет.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды