Бүгүн, эртең салыктарды төлөөнүн акыркы күндөрү – Салык кызматы эскертет
Бүгүн, 1-сентябрда унаа салыгын төлөө мөөнөтүнүн акыркы күнү экендигин Мамлекеттик салык кызматы эскертет.
Мындан тышкары, эртен, 2-сентябрда турак-жай жана батир (ишкердик иш үчүн пайдаланылбаган), ошондой эле, жер (короо-жай, короо жай алдындагы жана бак-чарба жер участоктору) салыктарын төлөө мөөнөтү аяктайт.
Ушуга байланыштуу, Салык кызматы унаа, турак-жай жана жер салыктарын төлөөгө жетише элек жарандарды төлөө мөөнөттөрү аяктаганга чейин салыктарды төлөөгө чакырат.
Турак-жай салыктарын кимдер төлөйт? Канча чарчы метрден ашса төлөнөт? Алар тууралуу бул шилтемеден окусаңыз болот.
Салыктарды каалаган банк мекемесинин кассаларынан, почта бөлүмдөрүнөн, ошондой эле төлөм жана POS-терминалдарынан, мобилдик жана интернет-банкинг, төлөм карталары же башка перифериялык түзүлүштөр аркылуу төлөөгө болот. Кененирээк маалыматты 116 телефону аркылуу же www.sti.gov.kg сайтынан алууга болот.
