Айыл чарба министрлиги өсүмдүк майын жана кантты импорттоодо КНСтин нөлдүк ставкасынын мөөнөтүн узартууну сунуштоодо
Кант өндүрүүнүн көлөмү аз болгондуктан, Айыл чарба министрлиги ак кантты жана чийки кантты импорттоого КНСтин нөлдүк ставкасын 30-сентябрга чейин жана өсүмдүк майын 31-декабрга чейин узартууну сунуштады. Бул тууралуу ведомствонун басма сөз кызматы билдирди.
Министрлик акыркы убактардагы аба ырайынын жагымсыз шарттарына байланыштуу дүйнө боюнча кант өндүрүү төмөндөйт деп болжолдоодо.
Министрликте Экономика министрлигинин жана Монополияга каршы мамлекеттик агенттиктин өкүлдөрүнүн катышуусунда кант кызылчасын өндүрүүчүлөрдүн, «Кайыңды-Кант» кант кызылчасын кайра иштетүүчү заводдун жана кант импорттоочулардын өкүлдөрүнүн жолугушуусу өттү. Дүйнөлүк кант базарындагы абал жана улуттук кант рыногунун дүйнөнүн негизги өндүрүүчү өлкөлөрүндө жана ЕАЭБде канттын өндүрүшүнүн болгон жана күтүлүп жаткан көлөмүнө көз карандылыгы жөнүндө маселе талкууланды.
Эскерте кетсек, өсүмдүк майынын жана кум шекердин бааларын убактылуу мамлекеттик көзөмөлдөө 25-августта токтотулган болчу. Ошондой эле 31-августта, өсүмдүк майын жана кантты импорттоодо жана сатууда КНСтин нөлдүк ставкасын белгилөө боюнча Министрлер Кабинетинин токтомунун мөөнөтү аяктаган.
Башка өлкөлөрдөн жана ЕАЭБ мамлекеттеринен ак шекерди жана чийки кантты Кыргызстандын аймагына бажы алымдарын жана КНСти төлөбөстөн импорттоого кызыккандардын бардыгын Айыл чарба министрлиги азык-түлүк коопсуздугу бөлүмүнө телефон аркылуу байланышууга чакырат. Тел., +996 312 62 36 44, 0557 55 75 29, 0995 75 48 75.
