Түркмөнстан 2 млрд кВт/с электр энергиясынын көлөмүн гана арзандатылган баада берет – калганы коммерциялык баа менен келет
Түркмөнстан 2 млрд кВт/с электр энергиясынын көлөмүн гана арзандатылган баада берет – калганы коммерциялык баа менен келет. Бул тууралуу кечээ, 8-сентябрда ЖКнын жыйынында Энергетика жана өнөр жай министринин орун басары Таалайбек Ибраев айтты.
Жыйында Дастан Бекешев министрдин орун басарынан эмне үчүн Түркмөнстандан алына турган электр энергиясынын баасы сыр болуп, айтылбай жаткандыгын сурады.
«Бул жеңилдетилген баа, биз Союздун убагындагыдай ташыйбыз, баасы ЖЭБде өндүрүлгөндөн дээрлик 2 эсе арзан. Буга чейин президенттер 2 млрд кВт/саат электр энергиясын берүүгө макулдашышкан. Бул тариф ушул көлөм үчүн гана жарактуу. Андан кийин коммерциялык баа болот», – деди министрдин орун басары.
Кол коюлган келишимге ылайык, 2021-жылдын августунан декабрына чейин Түркмөнстан КРга 501.9 млн кВт.саат электр энергиясын берет. Ал келишимдин алкагында, Түркмөнстан 9-августка чейин 19.2 млн кВт.саат электр энергиясын экспорттогон.
