Эксперт: Бир министр же бир президент 25 жыл ичинде кендин иштешин 1 күн токтоттубу? – «Кумтөр» иши

Экономика боюнча эксперт Азамат Акенеев «Кумтөр» иши боюнча мурдагы экс-премьер-министр Жоомарт Оторбаевдин кармалышы боюнча өзүнүн фейсбук барагында жазды.

«Мен Жоомарт Кайыповичтин камакка алынганына, эмнеге айыпталып жатканына да таң калдым. Ал премьер-министр кезинде Кумтөрдүн иштешине уруксат бергени үчүнбү? Бир министр же президент 25 жыл ичинде кендин иштешин 1 күн токтоттубу? Ал жакта баары бир мөңгү бузулуп жатат, муздун алдындагы алтынды башкача жол менен алуу мүмкүн эмес», – дейт ал.

Ошондой эле анын пикиринде Кумтөр мурдагыдай эле үзгүлтүксүз иштеп жатат жана мөңгүлөр дале бузулууда.

«Азыр деле, Кумтөр 4 айдан бери биздин башкаруу алдында иштеп жатат, ал жерде бир дагы канадалык жок, алтынды казып алуу мурдагыдай эле иштөөдө. Ошондой эле мөңгүлөр бузулуп жатат. Алтынды казып алуу үзгүлтүксүз жүрүп жатат. Тергөөчүлөрдүн логикасына таянсак, Кумтөрдүн азыркы жетекчилигинин баары жана азыркы бийлик өкүлдөрү бул үчүн камалышы керекпи? Абсурд. Жоомарт Каиповичке бул караңгы күндөр тезирээк өтүп кетишин каалайм», – деп жазат ал.  

Эскерте кетсек, УКМКнын ведомстволор аралык тергөө тобу «Кумтөр» кенин иштетүү долбоорун ишке ашыруунун ар кандай этабындагы коррупциялык фактылар боюнча козголгон кылмыш ишин иликтөөнү улантып, 16-сентябрда Жоомарт Оторбаевди кармаган болчу.

«Кумтөр» иши боюнча кимдер кармалып, кимдер суракка чакырылганын бул жерден окусаңыз болот.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды