«Айыл Банк» мамлекеттик ипотекалык программанын алкагында 5 млн сомдон 25 жылга чейин кредит берет

«Айыл Банк» «Менин үйүм 2021-2026» мамлекеттик программасынын алкагында турак-жай сатып алуу үчүн «Жеңилдетилген ипотека» жана «Жеткиликтүү ипотека» деген эки багытта 15тен 25 жылга чейинки мөөнөткө кредит бере баштайт. Бул тууралуу аталган банктын маалымат кызматы билдирди.

«Айыл Банк» ААК «Менин үйүм 2021-2026» мамлекеттик ипотекалык программасынын алкагында ипотекалык насыялоону ишке ашырууну жандантты.

«Менин үйүм 2021-2026» мамлекеттик программасынын алкагында турак жай сатып алуу үчүн кредит эки багытта – «Жеңилдетилген ипотека» жана «Жеткиликтүү ипотека» боюнча 15тен 25 жылга чейинки мөөнөткө берилет.

«Жеңилдетилген ипотека»

Кимдерге берилет: Мамлекеттик органдарда, жергиликтүү өз алдынча башкаруу органдарында жана аларга баш ийген уюмдарда жана ишканаларда, мамлекеттик жана муниципалдык билим берүү уюмдарында, мамлекеттик жана муниципалдык саламаттык сактоо уюмдарында жана мамлекеттик телерадио уюмдарында иштеген жарандарга.

  • Пайыздар: 4-8%
  • Суммасы: 4 000 000 сомго чейин

«Жеткиликтүү ипотека»

Кимдерге берилет: Негизги талаптарга жана тандоо механизмдерине жана МИКтин кошумча талаптарына жооп берген шарттарда КРнын бардык жарандарына.

  • Пайыздар: 8-12%
  • Суммасы: 5 000 000 сомго чейин.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды