ЕАЭБге мүчө мамлекеттердин улуттук банктарынын 22-отуруму өттү (сүрөт)

Назира Абдиева

23 сент. 2021 22:49

Бүгүн, 23-сентябрда Бишкекте ЕАЭБге мүчө мамлекеттердин улуттук (борбордук) банктарынын валюта саясаты боюнча өз ара кызматташуусун өнүктүрүү жана тереңдетүү жагында иш алып барган Улуттук банктардын консультативдик жана кеңеш берүүчү органынын 22-отуруму болуп өттү. Бул тууралуу КРнын Улуттук банкынын маалымат кызматы кабарлады.

Отурумдун катышуучулары учурдагы экономикалык абалды жана ЕАЭБге мүчө мамлекеттердеги акча-кредит саясатын ишке ашыруунун жүрүшүн, финансы рыногун жөнгө салуу боюнча улуттук органдарды көзөмөлдөгөн орган жана стандартташтырылган лицензия жөнүндө макулдашуулардын долбоорлорун, ошондой эле интеграциялык өз ара аракеттенүү боюнча башка бир катар актуалдуу маселелерди талкуулашты.

Аталган отурумга Армян Республикасынын, Беларусь Республикасынын, Казакстан Республикасынын, Россия Федерациясынын, КРнын борбордук (улуттук) банктарынын, ошондой эле Казакстандын Финансы рыногун жөнгө салуу жана өнүктүрүү агенттигинин жана КРнын Экономика жана финансы министрлигинин алдындагы Финансы рыногун жөнгө салуу жана көзөмөлдөө мамлекеттик кызматынын жетекчилери катышты.

Валюта саясаты боюнча консультативдик кеңеш – ЕАЭБге мүчө мамлекеттердин улуттук банктарынын консультативдик-кеңеш берүүчү органы болуп саналат, анын негизги милдеттерине ЕАЭБге мүчө мамлекеттердин улуттук банктарынын валюта саясаты боюнча өз ара кызматташуусун өнүктүрүү жана тереңдетүү кирет.

Мындан тышкары окуңуз

Бишкектин четиндеги эс алуучу аймактар ИИМ өкүлдөрү тарабынан тыкыр көзөмөлгө алынууда

Май майрамдарынын күндөрүндө Бишкек шаарынын ИИББнын милициянын кайгуул-күзөт кызматынын өкүлдөрү шаар тургундары көп эс алган жайларда коомдук тартипти жана жарандардын коопсуздугун камсыз кылышууда. Бишкек шаарынын ИИББнын Басма сөз кызматынын маалыматына караганда, күн жылышы менен борбор калаанын тургундары жаратылышта көбүрөөк убакыт өткөрүп, парктарга, жашыл аймактарга жана суу жээктерине барып эс алышууда.

Кыргызстандын ички авиакаттамдарынын максималдуу баасы аныкталды

2026-жылдын 1-майынан баштап, Бишкек-Ош жана Бишкек-Манас (ички авиа каттамдарында авиабилеттердин баасын координациялоо системасы киргизилет. Мындай чечим “Кыргызстан аэропорттору” ААК башкармалыгынын төрагасы Манасбек Самидиновдун ички авиакомпаниялар Avia Traffic Company, Aero Nomad Airlines, Tez Jet жана Sky FRU ортосунда өткөн жолугушуунун натыйжасында кабыл алынган. “Кыргызстандын аэропорттору" ААКнун маалыматына ылайык, жолугушуунун жүрүшүндө

11-майдан баштап жергиликтүү калк менен бийлик өкүлдөрүнүн жолугушуусу башталат

Облустук деңгээлдеги жетекчилер үстүбүздөгү жылдын 11-майынан тарта ар бир айыл өкмөттө жергиликтүү калк менен жолугушууларды өткөрө баштайт. Бул тууралуу Президент Садыр Жапаров өзүнүн социалдык баракчасында билдирди. Маалыматка ылайык, анын Ош облусуна болгон иш сапарынын жүрүшүндө жети районунун тургундары менен жолугушуп жатып, эл көтөргөн маселелердин 80 % райондук, облустук деңгээлде чечиле турган

2026-жылдын I кварталында Депозиттерди коргоо фонду өсүшүн улантты

Финансылык туруктуулук ишенимден жана бекем кепилдиктерден башталат. Бүгүнкү күндө Кыргыз Республикасынын Депозиттерди коргоо фондунун көлөмү 10,4 млрд сомго жетип, болгону үч ай ичинде 7,2 пайызга көбөйдү. КРнын жарандары коммерциялык банктарга салган депозиттеги акчаларын коргоо максатында түзүлгөн Фонддун суммасы ай сайын көбөйүп жаткандыгын КРнын Депозиттерди коргоо боюнча агенттигинен кабарлашты.