Кыргыз-Венгер фондунун башкаруу кеңешинин курамы дайындалды

Назира Абдиева

27 сент. 2021 22:47

Бүгүн, 27-сентябрда КРнын Экономика жана финансы министринин орун басары Руслан Татиков Венгриянын КРгы Атайын жана ыйгарым укуктуу Элчиси Шандор Дороги менен жолугушту жана Фонддун Кеңешинин жана Башкармалыгынын курамы макулдашылып, бекитилди.

Фонддун Кеңеши Фонддун ишмердүүлүгүнө стратегиялык башкарууну жүзөгө ашыруучу жогорку башкаруу органы болуп саналат. Фонддун Кеңешине кыргыз тараптан 3 өкүл жана венгер тараптан 2 өкүл кирет.

Кыргыз тараптан:

Экономика жана финансы министринин биринчи орун басары Алмаз Бакетаев Фонд кеңешинин төрагасы болуп дайындалды.
КРнын президентинин Администрациясынын Экономика жана финансы бөлүмүнүн башчысы Жанузак Абдыкалыков жана КРнын Инвестициялар министринин орун басары Нурадил Баясов Фонддун Кеңешинин мүчөлөрү болуп дайындалышты.
Фонддун башкармалыгынын төрагасы болуп Темирбек Эркинов дайындалды.
Фонддун башкармалыгынын мүчөсү болуп Алымбек Орозбеков дайындалды.

Венгрия тараптан:

Гергей Банхеди. Европа Биримдиги, КРда мыйзам үстөмдүгүн илгерилетүү боюнча долбоордун эксперти.
Роберт Грильев. Чыгыш Европа жана Борбордук Азиядагы бизнес операциялары боюнча директор, Москвадагы кеңсенин башчысы.

Эскерте кетсек, президент Садыр Жапаров «2021-жылдын 8-апрелинде Бишкек шаарында кол коюлган КРнын Өкмөтү менен Венгрия Өкмөтүнүн ортосундагы Венгрия-Кыргыз өнүктүрүү фонду жөнүндө макулдашууну ратификациялоо тууралуу» мыйзамга кол койгон.

Фонд эл аралык уюм болуп, анын уставдык капиталы 16 млн долларды түзөт жана Венгрия бул уставдык капиталды 50 млн долларга чейин көбөйтүү ниетинде. Уставдык капиталдын үлүштөрү Венгрия тарабынан камсыздалат.

Мындан тышкары окуңуз

Бишкектин четиндеги эс алуучу аймактар ИИМ өкүлдөрү тарабынан тыкыр көзөмөлгө алынууда

Май майрамдарынын күндөрүндө Бишкек шаарынын ИИББнын милициянын кайгуул-күзөт кызматынын өкүлдөрү шаар тургундары көп эс алган жайларда коомдук тартипти жана жарандардын коопсуздугун камсыз кылышууда. Бишкек шаарынын ИИББнын Басма сөз кызматынын маалыматына караганда, күн жылышы менен борбор калаанын тургундары жаратылышта көбүрөөк убакыт өткөрүп, парктарга, жашыл аймактарга жана суу жээктерине барып эс алышууда.

Кыргызстандын ички авиакаттамдарынын максималдуу баасы аныкталды

2026-жылдын 1-майынан баштап, Бишкек-Ош жана Бишкек-Манас (ички авиа каттамдарында авиабилеттердин баасын координациялоо системасы киргизилет. Мындай чечим “Кыргызстан аэропорттору” ААК башкармалыгынын төрагасы Манасбек Самидиновдун ички авиакомпаниялар Avia Traffic Company, Aero Nomad Airlines, Tez Jet жана Sky FRU ортосунда өткөн жолугушуунун натыйжасында кабыл алынган. “Кыргызстандын аэропорттору" ААКнун маалыматына ылайык, жолугушуунун жүрүшүндө

11-майдан баштап жергиликтүү калк менен бийлик өкүлдөрүнүн жолугушуусу башталат

Облустук деңгээлдеги жетекчилер үстүбүздөгү жылдын 11-майынан тарта ар бир айыл өкмөттө жергиликтүү калк менен жолугушууларды өткөрө баштайт. Бул тууралуу Президент Садыр Жапаров өзүнүн социалдык баракчасында билдирди. Маалыматка ылайык, анын Ош облусуна болгон иш сапарынын жүрүшүндө жети районунун тургундары менен жолугушуп жатып, эл көтөргөн маселелердин 80 % райондук, облустук деңгээлде чечиле турган

2026-жылдын I кварталында Депозиттерди коргоо фонду өсүшүн улантты

Финансылык туруктуулук ишенимден жана бекем кепилдиктерден башталат. Бүгүнкү күндө Кыргыз Республикасынын Депозиттерди коргоо фондунун көлөмү 10,4 млрд сомго жетип, болгону үч ай ичинде 7,2 пайызга көбөйдү. КРнын жарандары коммерциялык банктарга салган депозиттеги акчаларын коргоо максатында түзүлгөн Фонддун суммасы ай сайын көбөйүп жаткандыгын КРнын Депозиттерди коргоо боюнча агенттигинен кабарлашты.