Патент менен иштеген ишкерлерге жалпысынан 30 млн доллар бөлүнөт – Экономика министрлиги

Патент менен иштеген майда ишкерлер үчүн жалпысынан 30 млн доллар, ал эми салык төлөп келген чакан, орто ишканаларга, юридикалык жана жеке тараптарга 42 млн доллар бөлүнөт жана ар бир ишкер 825 миң сомго чейин ала алат. Бул жеке жана финансы секторун шашылыш колдоо долбоорунун алкагында ишке ашат. Бул тууралуу Экономика министринин орун басары Руслан Татиков билдирди.

Анын айтымында, аталган программа Дүйнөлүк банк жана Азия инфраструктуралык инвестициялык банкынын колдоосу менен жүзөгө ашырылууда.

«Долбоордун максаты – майда, чакан жана орто ишканаларга COVID-19 пандемиясынан келип чыккан кризистен чыгууда, экономиканын басаңдашын жеңил өткөрүүгө жана жумуш орундарын сактоого жардам берүү. Анын алкагында 72 млн доллар өлчөмүндө пайызсыз каражат берилет. Бул болжол менен 6 млрд 84 млн сом», – деди министрдин орун басары.

Министрлик каражат пайызсыз негизде берилгени менен ал сумманы кайтаруу шарты бар экенин белгиледи. Башкача айтканда, үстөк пайыз кошулбай, негизги сумманы гана кайтарат.

Бул иштерди аткаруу үчүн төмөнкү банктар менен келишим түзүлгөн:

  • «Айыл банк»
  • «Азия банкы»
  • «ФинансКредитБанк»
  • «Кыргызстан коммерциялык банкы»
  • «Борбордук Азиялык Капитал банкы».

Калктын финансылык жардамга жеткиликтүүлүгүн кеңейтүү жана долбоорго катышкан банктардын санын көбөйтүү максатында 1-октябрда төмөнкү банктар менен да келишим түзүлгөн:

  • «Халык Банк Кыргызстан»
  • «Керемет банк»
  • «Дос-Кредобанк».

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды