Министрлер кабинетин эми президент жетектейт – Жогорку Кеңеште каралууда

Министрлер кабинетин өлкөнүн президенти жетектейт. Мындай өзгөртүү «Министрлер кабинети жөнүндө» мыйзам долбооруна киргизилди, учурда ал Жогорку Кеңеште экинчи окууда каралууда.

Белгилей кетсек, мыйзам долбоорунда биринчи окууда президенттин министрлер кабинетинин ишиндеги жоопкерчилиги жана ролу көрсөтүлгөн эмес.

«Конституцияга ылайык, мыйзам долбоорунун биринчи беренесинде аткаруу бийлигин мамлекет башчысы башкараарын көрсөткөнбүз», – деп түшүндүрдү түзөтүүнүн автору, депутат Аалы Карашев.

Мындан тышкары, документте министрлер кабинетинин мүчөлөрүнө коюлган квалификациялык талаптар камтылган.

Эскерте кетсек, мыйзам долбоорунун демилгечиси катары президент көрсөтүлгөн. Аны буга чейин Конституциялык мыйзамдар, мамлекеттик түзүлүш, сот-укук маселелери боюнча комитет караган.

Ошондой эле быйыл 29-июлда Жогорку Кеңеш аны биринчи окууда жактырган. Бир топ эл өкүлү жумушчу комиссия түзүп, түзөтүүлөрдү кошуп, кайра иштеп чыгуу сунушун беришкен.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды