Түштүктөгү аарычылык, кол өнөрчүлүк жана айыл чарба тармагындагы ишкерлерге гранттар берилет

Accelerate Prosperity өлкөнүн түштүк аймактарындагы ишкерлерге бизнести тездетүү үчүн арыздарды кабыл алууну жарыялайт. «Аракетчил» жаштар долбоорунун алкагында Ош, Жалал-Абад жана Баткен облустарындагы аарычылык, кол өнөрчүлүк жана айыл чарба тармагындагы ишкерлерге 7 жумалык акселерация өткөрүлөт.

Берилген маалыматка ылайык, бизнес акселератору программасына профессионалдуу бизнес-консультанттар (трекерлер), конок спикерлер жана нарк чынжыры боюнча эксперттик кеңештер кирет.

Окутуу аяктагандан кийин катышуучулар инвестициялык комитеттин алдында өзүнүн ишмердигин тааныштырып, 5-7 миң доллар өлчөмүндө грант ала алышат. Тактап айтканда, төмөнкү бөлүмдөгү ишкерлерге артыкчылык берилет: Ош облусунда алма жана күрүч өстүрүү, Баткен облусунда өрүк жана малина өстүрүү жана Жалал-Абад облусунда аарычылык жана кол өнөрчүлүк жааттарына.

Долбоордун негизги максаты – долбоордун 42 максаттуу жамаатындагы 4000 улан-кыздарды жумуш менен камсыз кылуу. Анын курамына КРнын Фергана өрөөнүндөгү 450 чакырымдык CASA-1000 электр линиясынын бойлорунда жашаган жамааттар кирет. Долбоор жаштарды эмгек рыногуна жана алар үчүн базар мүмкүнчүлүктөрүнө даярдоону көздөйт.

Катышуу үчүн веб-сайтта 2021-жылдын 31-октябрына чейин бул шилтеме  https://kg.accelerateprosperity.org/araketchil аркылуу арызды толтуруу керек

Маалымат үчүн: «Аракетчил» долбоору Япония Өкмөтү тарабынан Дүйнөлүк Банк менен өнөктөштүктө каржыланып, Ага Хан Фондунун «Кыргызстандын тоолуу аймактарын өнүктүрүүнү колдоо программасы» тарабынан ишке ашырылууда. Окуу программасы үчүн ишкердик боюнча максаттуу жамааттарга баштапкы жана улантуучу деңгээлде 4 991.400 млн сом бөлүнгөн.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды