Депутат Айнуру Алтыбаева Ошто учактын алдына чейин машине менен келди (видео)

Социалдык тармакта Оштогу аэропорттун автобусунан тартылган видео тарап, кызуу талкууга түшүп жатат дейт Kaktus. Видеодо Элдер Бишкекке уча турган рейсти күтүүдө, ал эми терезеден депутат Айнуру Алтыбаева үй-бүлөсү жана жардамчысынын коштоосунда самолеттун трапына чейин унаасы менен келип, самолетко түшүп жатканын көрүүгө болот.

Социалдык тармактын колдонуучулары Ош-Бишкек рейсинин жүргүнчүлөрүн учактын бортуна отургузбай, депутат Айнуру Алтыбаева келип түшкөнчө 20 мүнөт кармашканын айтышууда.

Депутат бул маалыматты жалган деп айтып, Ош – Бишкек рейсинин кармалганына ал күнөөлү эмес экенин билдирди.

«Авиакомпания бортту алмаштырган үчүн рейс кармалып калды. Биз жүргүнчүлөр бардыгыбыз ошол процедураны күтүп калдык. Борт алмашкандын айынан жүргүнчүлөрдү орду-ордуна отургузганда да көйгөйлөр жаралды. Бул постту жазган адамга боорум ооруп турат, эптеп эле бир нерсе чыгарыш үчүн калпты ышкыртып жатат», – деп жазган эл өкүлү.

Бирок ал учактын трапына чейин аэропорттун автобусу менен эмес машине менен келгенине Алтыбаева эч кандай түшүндүрмө берген жок.

Аэропорттун басма сөз кызматынын берген маалыматына ылайык, бардык депутаттар башка жүргүнчүлөр сыяктуу эле процедуралардан өтүп, учакка расмий делегациялар залы аркылуу отурушат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды