Польша КРга 55 миң доза AstraZeneca вакцинасын берди

Назира Абдиева

11 окт. 2021 21:03

COVID-19 менен күрөшүүдө колдоо көрсөтүү үчүн Европа Биримдигинин (ЕБ) Жарандык колдоо механизми боюнча долбоорунун алкагында Польша Кыргызстанга AstraZeneca вакцинасынын 55 200 дозасын берди. Бул тууралуу Евробиримдиктин КРгы өкүлчүлүгү өзүнүн Твиттер баракчасында билдирген.

Анын айтымында, Польша Европа Биримдигинин (ЕБ) жарандык колдоо механизминин алкагында 55 200 доза вакцина берди.

Польшанын элчисинин орун басары Томаш Коллат берилген вакциналар боордош кыргыз элине мурдараак берилген жардамдын уландысы экенин айтты. Ал 2020-жылдын жазында пандемиянын кызуу мезгилинде поляк дарыгерлеринин тобу тажрыйба алмашуу жана коронавирус менен ооругандарды түз дарылоо үчүн Кыргызстанга келгенин эске салды.

«Европа Биримдиги жана Евробиримдикке мүчө өлкөлөр Кыргызстанга пандемиянын башынан бери колдоо көрсөтүп келишет. Ошондой эле медициналык аппараттар, жеке коргонуу каражаттары, психологиялык жана консультациялык жардам көрсөтүлдү. Вакциналар иштелип чыккандан кийин, алар ЕБ 2.5 млрд евро инвестициялаган COVAX программасы аркылуу жеткиликтүү болушкан. Пандемия менен күрөшүү жалпы күч-аракетти талап кылат жана биз биргелешип гана бул оор мезгилди жеңе алабыз», – деди Европа Биримдигинин элчиси Эдуард Ауэр.

Саламаттыкты сактоо жана социалдык өнүгүү министринин орун басары Улук-Бек Бектурганов Польша өкмөтүнө көрсөтүлгөн жардам үчүн ыраазычылык билдирди жана алынган жүк бүгүн эле эмдөө пункттарына таркатыларын белгиледи.

Мындан тышкары окуңуз

Бишкектин четиндеги эс алуучу аймактар ИИМ өкүлдөрү тарабынан тыкыр көзөмөлгө алынууда

Май майрамдарынын күндөрүндө Бишкек шаарынын ИИББнын милициянын кайгуул-күзөт кызматынын өкүлдөрү шаар тургундары көп эс алган жайларда коомдук тартипти жана жарандардын коопсуздугун камсыз кылышууда. Бишкек шаарынын ИИББнын Басма сөз кызматынын маалыматына караганда, күн жылышы менен борбор калаанын тургундары жаратылышта көбүрөөк убакыт өткөрүп, парктарга, жашыл аймактарга жана суу жээктерине барып эс алышууда.

Кыргызстандын ички авиакаттамдарынын максималдуу баасы аныкталды

2026-жылдын 1-майынан баштап, Бишкек-Ош жана Бишкек-Манас (ички авиа каттамдарында авиабилеттердин баасын координациялоо системасы киргизилет. Мындай чечим “Кыргызстан аэропорттору” ААК башкармалыгынын төрагасы Манасбек Самидиновдун ички авиакомпаниялар Avia Traffic Company, Aero Nomad Airlines, Tez Jet жана Sky FRU ортосунда өткөн жолугушуунун натыйжасында кабыл алынган. “Кыргызстандын аэропорттору" ААКнун маалыматына ылайык, жолугушуунун жүрүшүндө

11-майдан баштап жергиликтүү калк менен бийлик өкүлдөрүнүн жолугушуусу башталат

Облустук деңгээлдеги жетекчилер үстүбүздөгү жылдын 11-майынан тарта ар бир айыл өкмөттө жергиликтүү калк менен жолугушууларды өткөрө баштайт. Бул тууралуу Президент Садыр Жапаров өзүнүн социалдык баракчасында билдирди. Маалыматка ылайык, анын Ош облусуна болгон иш сапарынын жүрүшүндө жети районунун тургундары менен жолугушуп жатып, эл көтөргөн маселелердин 80 % райондук, облустук деңгээлде чечиле турган

2026-жылдын I кварталында Депозиттерди коргоо фонду өсүшүн улантты

Финансылык туруктуулук ишенимден жана бекем кепилдиктерден башталат. Бүгүнкү күндө Кыргыз Республикасынын Депозиттерди коргоо фондунун көлөмү 10,4 млрд сомго жетип, болгону үч ай ичинде 7,2 пайызга көбөйдү. КРнын жарандары коммерциялык банктарга салган депозиттеги акчаларын коргоо максатында түзүлгөн Фонддун суммасы ай сайын көбөйүп жаткандыгын КРнын Депозиттерди коргоо боюнча агенттигинен кабарлашты.