Кыргызстандын IT адистеринин кызматтарын эң көп АКШ колдонот
Кыргызстандын IT адистеринин кызматтарын эң көп АКШ колдонот. Бул тууралуу Economist.kg басылмасына Жогорку Технологиялар паркынын аткаруучу директору Чубак Темиров билдирди.
Америка Кошмо Штаттары Кыргызстандын IT тармагынын кызматтарынын 35%ын колдонот, андан кийин Казакстан, Россия, Улуу Британия, Япония жана башка өлкөлөр турат.
«ЖТП жөнүндөгү мыйзам 2011-жылы кабыл алынган, анда биз 13 компаниядан баштаганбыз, азыр ЖТПнын резиденттеринин саны 114кө жетти. Акча жүгүртүү 13 млн сомдон 1 млрд 200 млн сомго чейин өстү. 2021-жылдын биринчи жарым жылдыгынын жыйынтыгы боюнча биздин компаниялар буга чейин дээрлик 1 млрд киреше алышкан. Бул жылдын максаты 2 млрд сомго жетүү», – деген Чубак Темиров.
Эскерте кетсек, Кыргызстандын Жогорку технологиялар паркы 2021-жылдын экинчи кварталы боюнча берген отчетуна ылайык, ушул жылдын II кварталында ЖТПнын кирешеси дээрлик 5.3 млн долларды түзгөн, бул 2020-жылдын экинчи кварталына караганда 80%га көп. 2021-жылга карата киреше – 9.5 млн долларга жетти.
ЖТП бул кварталда мамлекетке дээрлик 88 миң доллар салык төккөн.
