Сентябрда 9 млрд 717 млн сом салык чогулду – аванс катары берилген салыктарды кошкондобу?

Салык кызматы ушул жылдын сентябрь айында болжолдогу 9 млрд 663 млн сомдун ордуна 9 млрд 717 млн сом өлчөмүндө салык жана төлөмдөр жыйналып, белгиленген план 100.6%га аткарылды деп билдирди. Бирок osoo.kg порталы сентябрь айында ири компаниялар 460 млн сомдон ашык суммадагы салыктарды алдын ала (аванс катары) төлөшкөн деп маалымдады.

Салык кызматынын маалыматына караганда, 2020-жылдын сентябрь айына салыштырмалуу салык жана төлөмдөр 2 млрд 652.7 млн сомго көбөйгөн же өсүү ыргагы 137.6%ды түзгөн.

Ал эми osoo.kg порталында 2021-жылдын сентябрь айында КРнын ири салык төлөөчүлөрү салыктын ар кандай түрлөрү боюнча аванс катары бюджетке 460 млн сомдон ашык акча төлөшкөн. Мамлекетке эң ири төлөмдөр төмөнкү компаниялар тарабынан аткарылган:

  • «Түштүк Кыргыз Цемент» ЖАК– 155.8 млн сом
  • «Газпромнефть-Азия Оперейтинг компаниясы» ЖЧК – 170 млн сом
  • «Альфа Ойл» ЖЧК – 50 млн сом
  • «Альфа Телеком» ЖАК – 20 млн сом
  • «Теллур» ЖЧК – 10 млн сом
  • Транспорт жана коммуникация министрлигинин алдындагы «Кыргызаэронавигация» мамлекеттик ишканасы – 6 млн сом
  • «Партнер Нефть» ЖЧК – 4 млн сом

Бирок Салык кызматы алдын ала ири компаниялардан чогултулган салыктар тууралуу эч кандай маалымат берген эмес.

Ушул жылдын сентябрь айында аванс менен салык төлөгөн ири компаниялардын катарында «КАЗ Минерал Бозымчак» ЖЧК, «Автомаш Радиатор» ЖЧК, «ТД Сласть» ЖЧК, «Горно-промышленная компания Природное золото» ЖЧК, «ПЭЙ 24» ЖЧК жана «Бакай», «Бай-Түшүм», «Оптима», «Керемет Банк», «Капитал Банк», «Айыл Банк» банктары бар.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды