Бюджетке тамекиден 6 млрд сом акциздик салык түшпөй калган

2020-жылы республикалык бюджетке тамеки продукттарынан 6 млрд сом акциздик салык түшкөн эмес. Бул тууралуу Эсеп палатасынан билдиришти.

Көзөмөл органдын берген маалыматына ылайык, аналитикалык эсептөөлөр боюнча 10.7 млрд сом салык түшүш керек болчу. Бирок өткөн жылы бюджетке 4.7 млрд сом гана түшкөн.

Мындан тышкары, Евразия экономикалык комиссиясынын (ЕЭК) статистикалык маалыматтары көрсөткөндөй, күйүүчү-майлоочу майлар (КММ) жана азык-түлүк продуктулары боюнча маалыматтардын туура берилбегендигинен улам, бюджетке 887 млн сом КНС жана акциздик 511 млн сом салык түшпөй калган.

Салык кызматынын маалыматында, Улутстаткомдун 2020-жылдагы күйүүчү-майлоочу материалдар боюнча маалыматына салыштырмалуу айырма 13.2 млрд сомду түзөт. Тагыраак айтканда, күйүүчү жана майлоочу майларды сатууда бюджетке болжол менен 1.6 млрд сом салык түшпөй калуу тобокелчилиги бар.

Салык кызматынын маалыматтары менен Улутстаткомдун ун сатуунун көлөмү боюнча маалыматтарынын дал келбестиги 24.6 млрд сомдон ашык сумманы түздү, бул болжол менен 3 млрд сом КНС төлөнбөй калган дегенди билдирет.

Жалпысынан аудит 2020-жылы салыктарды жана төлөмдөрдү чогултуу планы 99.8%га аткарылганын, бирок бюджетке 122 млн сом түшпөй калганын аныктады. Салык базасы боюнча жүргүзүлгөн аналитикалык иш-чаралардын жыйынтыгы боюнча, республикалык бюджеттин кирешелеринин резервдери жана жоготуулары 12 млрд сомдон ашык сумманы түзгөн.

Министрлер Кабинетине акциз салыгын бюджетке толук түшүрүү үчүн тамеки буюмдарынын көмүскө жүгүртүлүшүнө каршы күрөшүү боюнча ишти күчөтүү сунушталды.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды