Бишкекте көмүрдүн тоннасы максимум 4 миң 400 сомдон сатылат
Бишкекте көмүрдүн тоннасы – максималдуу түрдө 4 миң 400 сомдон сатылат. Бул тууралуу Монополияга каршы жөнгө салуу мамлекеттик агенттигинин директору Кеңешбай Тайлаков «Биринчи радиого» билдирди.
Анын айтымында, кара отундун баасын көзөмөлгө алуу 12-октябрдан тартып 90 күнгө киргизилген. Көмүрдүн баасы районго жана көмүр казылган аймакка жараша болот.
Бишкекте көмүрдүн тоннасы – максималдуу түрдө 4 миң 400 сомдон сатылат, Чүй облусунда – 4 миң 550 сомдон, ал эми Ош шаарында жана Ош облусунда тоннасы 5-6 миңден, Жалал-Абад облусунда 6.5 миң сомдон, Нарын облусунда 4 миң 700 сомго чейин сатылышы зарыл. Ошондой эле Ысык-Көл облусунда 6 миң 500 сомдон жана Талас облусунда көмүрдүн бир тоннасы 6 миң 800 сомго чейинки баа менен коюлду.
