Эмдиги жылы 15-18 тонна алтын алабыз – Акылбек Жапаров

Келерки жылы 15-18 тонна алтын алабыз. Бул тууралуу бүгүн, 27-октябрдагы Жогорку Кеңештин жыйынында Министрлер кабинетинин төрагасы Акылбек Жапаров айтты.

Депутат Табылды Тиллаев 2 жылда 250 млрд сомго бюджетти кантип көбөйтөбүз, каражатты эмнеден күтөбүз деген суроосун узатты. «180 миллиарддан 440 млрд сомго кантип секиребиз, түшүндүрүп кетсеңиз», – деди ал.

Акылбек Жапаров быйыл бюджетти мурда каралган 280 млрд сомдон 308 млрд сомго көтөрүп келе жатышканын, 28 млрд сом кошумча кирешени ички чыгашаларды ирээттөө менен тапканын билдирди.  

«Быйыл 6-7 тоннанын тегерегинде алтын ала турган болсок, эмдиги жылы 15-18 тонна алтын алабыз, анын таза кирешеси 300-400 млн долларга барат деген божомолубуз бар. Ошентип кен казуучулардан бир топ чоң киреше алганы турабыз. Калгандарын салыктан алабыз, көп эле айтчу элек, саясий эрк болсо жасайбыз деп, ошол саясий эрк азыр бизде бар», – деди Министрлер кабинетинин төрагасы.

Андан тышкары, Жапаров кыргыз өкмөтүнүн алдында бюджети 300-500 млн доллар «Турукташтыруу фондун» түзүп жатышканын жана «кара июль» сыяктуу өзгөчө кырдаалдар үчүн 17 млрд сом каралып жатканын кошумчалады.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды