Көмүскө экономикадан жыл сайын бюджетке 25-30 млрд сом түшпөй калат

Көмүскө экономикадан түшпөй калган салыктардын үлүшү жыл сайын 25-30 млрд сомду түзөт. Бул тууралуу бүгүн, 27-октябрдагы Жогорку Кеңештин жыйынында Экономика жана коммерция министри Данияр Амангельдиев баяндама учурунда айтты.

Анын айтымында, КРгы көмүскө экономика расмий маалыматтар боюнча ИДПнын 23-24%ын түзөт.

«Башка эл аралык уюмдардын божомолу боюнча бул 40%га жетип жатат. Көмүскө экономикадан түшпөй калган салыктардын үлүшү жыл сайын 25-30 млрд сомду түзүүдө. Салык кызматынын маалыматы боюнча учурда 509 808 ишкер субъект бар», – деди ал.

Ошондой эле ал мыйзам долбоору  салык мыйзамдарын заманбап  экономикалык шарттарга айкалыштырууга, мындан ары  салыктык жол-жоболорду санариптештирүүгө, ишкердикти жүргүзүүдө бирдей шарттарды түзүүгө жана көмүскө  экономиканы кыскартууга багытталганын белгиледи.

Эскерте кетсек, ЖКнын жыйынында бүгүн Салык кодексинин долбоору жана аны  колдонууга киргизүүгө багытталган мыйзам долбоору биринчи окууда каралды.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

АӨБ менен кызматташуунун 2028–2032-жылдарга планы талкууланды

Өлкөгө 500 млн доллардан ашык инвестиция тартуу мүмкүнчүлүгү каралды

УчкайКЕП: Өлкөдө бир аптада орун алган маанилүү окуялар

5 жылда өлкө бюджети 4,5 эсеге өстү

Бишкекте лицензиясыз валюта алмаштырган эки жаранга айып пул салынды