Кыргызстанда инфляциянын жылдык деңгээли 11.8%га төмөндөдү
Жылдык инфляциянын деңгээли 15-октябрга карата 11.8%ды түздү, эскерте кетсек, сентябрь айында ал 13.5% болгон эле. Бул тууралуу Улуттук банк билдирди.
Регулятордун айтымында, өлкөдөгү керектөө бааларынын өсүшүнө таасир эткен негизги фактор азык-түлүктүн дүйнөлүк баасынын өсүшү болду.
Улуттук банк өлкөдө инфляциянын деңгээлине тышкы факторлордун таасиринин тобокелдиктери сакталып жатканын белгиледи. 2021-жылы инфляциянын негизги монетардык эмес факторлору болуп төмөнкүлөр саналат:
- азык-түлүккө болгон дүйнөлүк баанын өсүшү
- административдик баалардын жана тарифтерди жогорулашы (электр энергиясына жана коомдук транспортко тарифтер)
- айыл-чарба продукциясын өндүрүүнүн олуттуу төмөндөшүнө алып келген быйылкы жаз-жай мезгилиндеги жагымсыз климаттык шарттар
