Банктар мамлекеттин кепилдиги менен ишкерлерге 11 млрд сомдон ашык кредит беришти
Банктар «Кепилдик фонд» ААКнын кепилдиги менен ишкерлерге 11 млрд сомдон ашык кредиттерди беришти. Мындай маалыматты 31-октябрга карата аталган уюмдун басма сөз кызматы билдирди.
Фонд тарабынан бекитилген кепилдиктердин саны 2290 болсо, анын суммасы 3 млрд сомду түзгөн, ошондой эле анын 84%ы өлкөнүн аймактарындагы кичи жана орто бизнеске берилген.
10 айда 912 млн сомго 615 кепилдик берилген. Аларга өнөктөш банктар 3 млрд сомго насыя беришкен. Бул көрсөткүчтөр берилген кепилдиктер менен кредиттердин саны жана көлөмү боюнча 2020-жылдагы көрсөткүчтөрдөн ашты.
Өткөн жылы «Кепилдик фонду» өлкөдөгү кичи жана орто бизнести колдоого 2.9 млрд сомго насыя алуу үчүн 779 млн сомго кепилдик берген.
